Zekaliya 9:1-17
9 Awa akiko mazu alupi elu navuluka Kalunga:“Awa akiko mazu aYehova akuzangamisa lifuchi lyaHatalake,Akuzangamisa+ Ndamashiku,Mwomwo meso aYehova anatale hali vatu,+Nahamiyachi yavaIsalele yosena.
2 Mazu kana anapu akuzangamisa nawa Hamate,+ yize yalipula nayo* ngiza,Anapu akuzangamisa Tule+ naShitone,+ mwomwo jinganda kana jinazangama chikuma.+
3 Tule yalitungilile jikembwe* jingulwishi ndo.Yalikungulwilile palata nge mavu,Naulu nawa nge mavu amujijila.+
4 Yehova mwakayitambula luheto lwayo,Mwakanongesa maswalale jayo mukalungalwiji.+Kaha navakayocha nakakahya.+
5 Ashakelone nayikamona chuma kana, kaha nayikevwa woma.Ngaza nayikalyonyinga chikuma,Ekelone nawa nayikalyonyinga mwomwo vaze yafwelelele navakavevwisa sonyi.Mwangana waNgaza navakamunongesa.Kaha muAshakelone kamweshi kukatwama vatuko.+
6 MuAshatote namukatwamanga vana vamuujila,Kaha nangukakumisa kulivwimba chavaFwilishite.+
7 Nangukafumisa vyuma vize vinapihi namanyinga mutunwa twavo,Nangukafumisa vyuma vyaunyengwe mumazo avo,Kaha navakavaseza vakapwe vaKalunga ketu.Navakapwa vamyata* muli vaYuta,+Kaha vaEkelone navakapwa nge vaYevuse.+
8 Nangukatunga chilombo kuzuvo yami ngukayikinge,+Mangana vatu vakazeneke kwingilamo chipwe kulovokamo.Kaha vaka-kuhana vakwavo milimo* kaveshi kukahitamo chekako,+Mwomwo ngunamono chuma chino* nameso ami.
9 Ove mwanapwevo Zeyone, wahilila.Ove mwanapwevo Yelusalema, twako jingunda.Tala! Mwangana wove ali nakwiza kuli ove.+Apwa wakwoloka, kaha mwaneha ulwilo,*Apwa wakulinyisa,+ kaha mwatambukila hachimbulu,Mwatambukila halivuvu lyachimbulu,*+ lyamwanachimbulu.
10 Nangukafumisa matemba ajita muEfwalimeNatuvalu nawa muYelusalema.Mata amanana navakawafumisako.Mwakavilika kuunda kuli vaka-mafuchi.+Mwakayulanga kufuma kukalungalwiji nakuheta kukalungalwiji mukwavo,Kufuma kuKalwiji* nakuheta kusongosongo yamavu.+
11 Oloze ove pwevo, hamanyinga alushiko lwove,Vatu jove vaze vanapu vafunge nangukavafumisa muwina wakuzeneka meya.+
12 Enu vafunge mukwechi lutalililo,+ kindulukenu kuchihela chenu chakukola.Likumbi lyalelo nangukulweza ngwami,‘Ove pwevo, nangukakufweta vyazano vivali.+
13 Nangukalema* Yuta nge uta wami wamanana.VaEfwalime nangukavatenga kupwa mivwi yahauta wami wamanana.Nangukahindula vana vove, ove ZeyoneVakazungise vana vaHelase.Nangukakulingisa ukapwe nge upoko yamukwale yachindume.’
14 Yehova mwakapwa navakiko,Kaha mivwi yenyi nayikamwasuka nge matongo.Mwata Wakulitulaho Yehova mwakemba luneta,+Kaha mwakalupuka nge peho yanyamanganda yakusulo.
15 Yehova wamayongomena mwakavakinga,Kaha navakachika malolwa amuchikapa nakuwenyeka.+Navakalikuwa nakuwahilila kwijiva nge vananu vinyo.Navakazala nge omu navizala viloso,Nge omu najizala jimbango jalijiko lyakulumbila.+
16 Halikumbi lize, Yehova Kalunga kavo mwakavalwilaNge omu kafunga mwalwila utanga wamikoko jenyi.+Kaha navakapwanga nge malolwa akuvyakuma ahamuchama* mulifuchi lyenyi.+
17 Omu chatohwa kuwaha chenyi,+Nomu watohwa ukelenga wenyi!Kulya chamanona nachikawahisa vakweze,Kaha vinyo vyavihya navikawahisa vana vamapwevo.”+
Kwinyikila Chamwishi
^ Yinahase kupwa “lifuchi lyaHatalake” chipwe “Ndamashiku.”
^ Chipwe “vihela vyakukola.”
^ Ava vamyata vapwile vamyangana jamiyachi.
^ Pamo kulumbununa luyando lwavatu jenyi.
^ Chipwe “vaka-kuyanjisa vakwavo.”
^ Chipwe “kaha mwafungulula.”
^ Chipwe “lyachimbulu wachilunga.”
^ Ikiye Yufwalate.
^ Hepe., “Nangukalyatangila.”
^ Chipwe “ahachilongo.”
