Chihanda 6

Kusemuka chaYesu swi NakuKufwa Chenyi

Kangelo Ngavalyele vamutumine nakuya kuli mwanapwevo wamwaza, Maliya. Amulwezele ngwenyi mwakasema mwana uze mwakapwa mwangana haya myaka yosena. Ou kanyike Yesu, asemukilile mumulaka, muze vamuwanyine tufunga. Kaha, tanganyika atetekelele malunga vakuMusamuko swi nakuze kwapwile mwana. Natulinangula avalingishile vamone uze tanganyika, nomu Yesu vamuyowele hakufwila vamujihe.

Kufumaho, natuwana Yesu, omu apwile namyaka 12, anakushimutwila navalongeshi mutembele. Omu hahichile myaka 18, Yesu vamumbapachishile, nakuputuka mulimo wakwambulula wangana nakulongesa, uze amutumine Kalunga kwiza nakulinga hano hamavu. Hakusaka kumukafwa mulimo kana, Yesu atongwele malunga 12 nakuvapwisa vaposetolo jenyi.

Yesu alingile nawa vyuma vyakukomwesa vyavivulu. Alishile vatu makombakaji navaishi vavandende najimbolo jajindende. Okile vaveji nakusangula vafu. Kutwala muze, natulinangula vyuma vyavivulu vyasolokelele Yesu halikumbi lyakukumishilako mukuyoya chenyi, kaha nomu vamujihile. Yesu ambulwile kafwe myaka yitatu nachimbwa chamwaka, shikaho CHIHANDA 6 chinakutala havyuma vyasolokele hatando yakuzomboka chindende hamyaka 34.