CHIHANDA 4
Vyuma Muka Vyafuminemo Hakwivwilila Kuli Satana?
Alama naEve kavononokele Kalungako, ngocho vafwile. Kuputuka 3:6, 23
Eve evwililile kuli linoka, kaha alile kumuhako wamutondo vavakanyishile. Kufumaho, ahanyineko Alama, ngocho naikiye alile.
Vyuma valingile vyapwile vyakuhenga, kaha nawa hishili. Ngocho, Kalunga avahangile muPalachise.
Chiyoyelo chavakaluhwilile jino hamwe kaha navana vavo. Vashinakajiwile nakufwa. Kavayile nakuyoyela kukala chihelako, oloze vanongele.
Vafu kavayoyako ngana mwalukungu. Kuputuka 3:19
Tweji kufwanga mwomwo tuvosena twafuma kuli Alama naEve. Vafu kaveshi kumona, chipwe kwivwa, chipwe kulinga chuma numba chimweko.—Muka-kwambulula 9:5, 10.
Yehova kasakile ngwenyi vatu vafwengangako. Ngocho kalinwomu asangule vafu. Nge vatu navamwivwilila, kaha navakayoya haya myaka yosena.
Pamo Nauzanga Nawa
ESSENTIAL BIBLE TEACHINGS
Vyuma Muka Vyeji Kusolokanga kuVafu?
Mbimbiliya yatufwelelesa ngwayo nakukapwa lwola luze navakasangula vatu vavavulu, ngana muze chapwile kuli Lazalu.
ESSENTIAL BIBLE TEACHINGS
Mwomwo Ika Kalunga Etavishila Kuyanda?
Vatu vavavulu vasaka kutachikiza ovyo chijindo nakuyanda vinavulila muno mukaye. Mbimbiliya yavuluka vyuma vyalingisa chijindo nakuyanda vivule muno mukaye, kaha vyuma yahanjika vinahase kutuvendejeka.
