CHIHANDA 8
Uno Kufwa chaYesu Chaminganyalisa Ngachilihi?
Yesu afwile mangana etu tuyoye. Yowano 3:16.
Omu mwahichile makumbi atatu kufuma hakufwa chaYesu, mapwevo vamwe vayile kuchimbumbe chenyi, oloze vawanyine chamupolongwa. Yehova asangwile Yesu kufuma kuvafu.
Yesu asolokele kuli vaposetolo jenyi.
Eyo, Yehova asangwile Yesu kupwa mutu wakushipilitu uze keshi kukafwa chekako. Tumbaji twaYesu vamumwene omu ayile mwilu.
Kalunga asangwile Yesu nakumutongola kupwa Mwangana waWangana waKalunga. Ndanyele 7:13, 14
Yesu ahanyine mwono wenyi kupwa ndando yakusokola vatu. (Mateu 20:28) Mwomwo yandando kaneyi yakusokola, Kalunga mwakatuhana kuyoya chahaya myaka yosena.
Yehova atongwele Yesu kupwa Mwangana uze mwakayula hano hamavu hosena. Mwakayula hamwe navatu 144,000 vakushishika vaze vanasangukanga hamavu nakuya nakuyoyela mwilu. Yesu navaze 144,000 vatunga fulumende yakwoloka mwilu vavuluka ngwavo Wangana waKalunga.—Kusoloka 14:1-3.
Wangana waKalunga naukalingisa mavu kupwa palachise. Jijita, nauhwanga, nauhutu, nazala kavyeshi kukapwako chekako. Chikupu vene vatu navakapwa vakuwahilila chikuma.—Samu 145:16.
Pamo Nauzanga Nawa
ESSENTIAL BIBLE TEACHINGS
Mwomwo Ika Yesu Afwililile?
Mbimbiliya yahanjika ovyo vyalingisa kufwa chaYesu kupwa chachilemu. Uno kufwa chenyi chikwechi nganyo tahi?
KWANUKA KUFWA CHAYESU
Kwanuka Kufwa chaYesu
Tuli nakukusanyika mangana ukapwe nayetu kuli echi chilika chachilemu. Naukalinangula omwo kuyoya nakufwa chaYesu vinahase kukunganyalisa.
MIKANDA NAJIMBULOSHUWA
Kutala Chikupu Vafu Navakayoya Cheka Tahi?
Kutala mwafwisaho lyehi mutu mwazanga tahi? Mazu amuMbimbiliya akuvendejeka anahase kumikafwa.
