CHIHANDA 7
Uno Yesu Apwile Iya?
Yehova atumine Yesu kwiza hano hamavu. WaYowano 1, 4:9
Nge tuli nakusaka kwivwisa Yehova kuwaha, kaha twatela kwivwilila nawa kuli mutu weka wamulemu. Shimbu kanda Yehova atenge Alama, avangilile kutenga mutu wakushipilitu wangolo mwilu.
Kutwala muze, Yehova amutumine kwiza nakusemukila muMbetelema kuli Maliya uze apwile kanda achilisavaleho lyehi nalunga. Ou mwana vamulukile ngwavo Yesu.—Yowano 6:38.
Omu apwile hano hamavu, Yesu asolwele kanawa vilinga vyaKalunga. Apwile walikoji, wazangi, kaha nawa wamwashi kuhanjikisa. Anangwilenga vatu muchano wakuvuluka Yehova chakuzeneka kwivwa woma.
Yesu alingilenga vyuma vyamwaza, oloze vamuhungile. WaPetulu 1, 2:21-24
Yesu okilenga vaze vapwile nakuviza nakusangula vatu vamwe vaze vafwile.
Vatwamina vamukwitava vamuhungile, mwomwo asopolwele hatoma kunangula chavo chamakuli navilinga vyavo vyavipi.
Vatwamina vamukwitava vakunywile vaLoma mangana vavete Yesu nakumujiha.
