CHIHANDA 12
Vyuma Muka Mwatela Kulinga Mangana Mupwenga Vakuwahilila muTanga?
Zangi yeji kulingisanga vatu mutanga vapwenga vakuwahilila. Wavaka-Efwesu 5:33
Jishimbi jaKalunga jahanjika ngwajo lunga atela kumbata pwevo umwe kaha.
Lunga wazangi eji kutwamanga napuwenyi mujila yamwaza nakumwivwishisa.
Pwevo atela kuzachila hamwe nalunga lyenyi.
Vana vatela kwononoka visemi javo.
Pwenunga vakushishika nalikoji. Kanda namupwa naukenya chipwe kuhona kupwa vakushishikako. Wavaka-Kolose 3:5, 8-10
Mazu aKalunga amba ngwawo lunga atela kuzanga puwenyi ngana muze azanga mujimba wenyi, kaha pwevo nawa atela kuvumbika chikuma lunga lyenyi.
Kulisavala chalunga napwevo vaze kavalimbatako chapwa chakuhenga. Kumbata luhali nawa chapwa chakuhenga.
Mazu aYehova atunangula vyuma twatela kulinga mangana tupwenga vakuwahilila mutanga.
Pamo Nauzanga Nawa
MIKANDA NAJIMBULOSHUWA
Vyuma Muka Vinahase Kulingisa Tanga Kupwa Yakuwahilila?
Vatu vamwe vashinganyeka ngwavo jimbongo jikiko jinahase kulingisa tanga kupwa yakuwahilila. Kutala jimbongo jinahase chikupu kulingisa tanga kupwa yakuwahilila tahi?
