CHIHANDA 10
Vyuma Muka Vyamwaza Navakalivwisa Kuwaha Vaze Veji Kwivwililanga Kuli Kalunga?
Vatu vavavulu navakavasangula nakutwama hano hamavu. Vilinga 24:15
Achishinganyekenu havyuma vyamwaza vyakulutwe vize namukalivwisa kuwaha nge namwivwililanga kuli Yehova. Namukalikangula kumujimba kaha naumwe mwakaviza chipwe kutenguka wauchi. Kakweshi kukapwa vatu vakuhukako, ngocho namukafwelela vatu vosena.
Kakweshi kukapwa kukola, nakulishona, chipwe mitetoko. Kakweshi mutu mwakashinakajiwa nakufwako.
Namukatwamanga namasepa navaka-tanga yenu. Chiyoyelo muPalachise nachikapwa chamwaza.
Kakweshi kukapwa vyuma vyakwivwisa womako. Vatu navakapwa chikupu vakuwahilila.
Wangana waKalunga naukakumisa kuyanda chosena. Kusoloka 21:3, 4
Pamo Nauzanga Nawa
ESSENTIAL BIBLE TEACHINGS
Wangana waKalunga Chuma Muka?
Omu Yesu azachilenga mulimo wakwambulula, anangwilenga chikuma hachihande chaWangana waKalunga kuhambakana vihande vyeka. Hamyaka yayivulu, vaka-kumukavangiza vanalombonga ngwavo Wangana wizenga.
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
MIKANDA NAJIMBULOSHUWA
Mwashinganyeka Ngwenu Kulutwe Nakukapwa Ngachilihi?
Wanenu vishina vivali vyasolola ovyo twatela kufwelela ngwetu kulutwe nakukawaha nge muze yahanjika Mbimbiliya.
