Kutala weji kuhanjikanga vyuma walivwishile kuwaha omu wapwilenga hamwe navatu jaYehova hakukunguluka chimwe chize chakukolezezele, chipwe hakukunguluka changalila, chipwe hakuzata navo mumulimo wamuwande, chipwe vyuma vyamwaza vize mwashimutwilile tahi? Nge mukiko, kaha tachikiza ngwove uchili nakwanuka Yehova; kaha nawa Yehova achili nakukwanuka. Achili nakwanuka milimo yize wapwile nakumuzachila namuchima wakushishika. Ngachize, ali nakufwila kukukafwa ukinduluke cheka kuli ikiye.

Yehova ahanjika ngwenyi: “Nangutondatonda mikoko jami, kaha nanguvazakamanga ami yivene. Nanguzakama mikoko jami ngana muze kafunga mwalisa mikoko jenyi vakulimwanga vaze nawane. Nanguvapululula kweshokwo vanalimwangila.”—Ezekele 34:11, 12.