Lijina lyaEzekele lyalumbununa ngwavo “Kalunga Eji Kujikijisanga.” Numba tuhu Ezekele ahanjikilenga upolofweto wakuhuhumuna, oloze mijimbu ahanjikilenga yalitombola nalijina lyenyi, mwomwo yeji kujikijisanga lufwelelo lwavatu vaze vasaka kulemesa Kalunga mukwoloka.

• YELEMIYA,

  afumine kutanga yavapilishitu, kaha azachililile chikuma mulimo wenyi muYelusalema (647-580 B.C.E.)

• HULUTA

  apwile kapolofweto halwola luze vawanyine mukanda waJishimbi mutembele kafwe mu 642 B.C.E.

• NDANYELE,

  apwile wakumuyachi wavamyangana javaYuta, kaha vamutwalile muMbavilone mu 617 B.C.E.

• HAMBAKUKE

  atela azachililenga muYuta kukuputuka chachiyulo chamwangana Yehoyakime

• OVACHIYA

  apolofwetele hali vaEtome, kafwe halwola vanongesele Yelusalema

1. c.643: Mwasemuka

2. 617: Navamutwala muufunge muMbavilone

3. 613: Mwaputuka kupolofweta nakumona vyakumwenesa vyakuli Yehova

4. 612: Mwamona chakumwenesa chize chasolwele vaka-kulikanga kuli Kalunga mutembele

5. 611: Mwaputuka kupolofweta vyaukalu naukasoloka kunganda yaYelusalema

6. 609: Pwevo lyenyi mwafwa, kaha Yelusalema navayihaka muchingombela kamakumishilo

7. 607: Mwatambula mujimbu wakusolola nge Yelusalema vanayinongesa

8. 593: Mwamona chakumwenesa chasolwele tembele

9. 591: Mwahanjikila chimweza omu Ejipitu navakayilukuka kuli Nevukataneza nakukumisa kusoneka mukanda wenyi

1. 659-629: Yoshiya mwakundwiza kulemesa chamuchano, oloze mwafwa mujita mwazunga naFwalo Neko

2. 628: Yehowahaze mwayula mwamupi hatukweji vatatu, kaha navamukwata kuli Fwalo Neko

3. 628-618: Yehoyakime mwapwa mwangana wakuhuka, kaha Fwalo Neko mwamulingisa kupwa ngamba yenyi

4. 625: Nevukataneza mwafungulula maswalale javaEjipitu

5. 620: Nevukataneza mwalukuka Yuta halwola lwatete, nakulingisa Yehoyakime kupwa ngamba yenyi muYelusalema

6. 618: Yehoyakime mwalikanga kuli Nevukataneza, oloze mwafwa kafwe halwola vaMbavilone navalukuka Lifuchi lyaLushiko kamuchivali

7. 617: Yehoyakine uze nawa vavulukilenga ngwavo Yekonyiya, mwayula mwamupi hatukweji vatatu, kufumaho navamutambula chiyulo kuli Nevukataneza

8. 617-607: Nevukataneza mwalingisa Zetekiya mwangana wakuhuka kaha nawa wawoma, kupwa ngamba yenyi

9. 609: Zetekiya mwalikanga kuli Nevukataneza, kaha Nevukataneza mwalukuka Yuta halwola lwamuchitatu

10. 607: Nevukataneza mwanongesa Yelusalema nakukwata Zetekiya nakumutuva meso, nakumutwala kuMbavilone