LIPWATA 20A
Kupula Lifuchi
Chakumwenesa vamwenesele Ezekele chasolwele omu lifuchi valipulile muvyazano vyakweseka hamwe, kahechi chafwelelesele vafunge ngwavo navakakinduluka kulifuchi lyavo. Vyuma muka tunahase kulinangula kuchakumwenesa kana makumbi ano? Tushimutwilenu havyuma vivali vavulukile muchakumwenesa kana:
Chihela chakukingiwa namilimo yayilemu
Mutu himutu uze afumine muufunge apwile nauswana wenyi muLifuchi lyaLushiko. Namakumbi ano nawa, vangamba jaYehova vosena vaze vatwama mupalachise yakushipilitu vatwama nachihela chavo. Chamokomoko namilimo mwatwama nayo muliuka lyaYehova, tuvosena tukwechi chihela chakukingiwa, kaha nawa tukwechi milimo yayilemu mulifuchi lyakushipilitu. Yehova amona vangamba jenyi vosena kupwa vavalemu.
Kupula jingalila jakweseka hamwe
Ezekele amwene muchakumwenesa vatu vosena vali nakuvahana jingalila jakweseka hamwe nakulivwisa kuwaha vyuma vyamwaza vyapwile muLifuchi lyaLushiko. Namakumbi ano nawa, Yehova eji kukafwanga vangamba jenyi vosena valivwise kuwaha nakunganyala kuvyuma eji kuvahananga mupalachise yakushipilitu.
