LIPWATA 2A
Kwivwishisa Upolofweto waEzekele
UNO LIZU UPOLOFWETO LYALUMBUNUNA IKA?
Lizu lyachiHepeleu na·vaʼʹ, lize vazachisa muMbimbiliya kulumbununa “kupolofweta,” lyatalisa chikuma kukuvilika mujimbu waKalunga, nakusopesa chenyi, navyuma vyamwaza vize eji kutunangulanga. Linahase nawa kulumbununa kuvilika mujimbu wavyuma vize navikasoloka kulutwe. Upolofweto waEzekele watwama naulumbunwiso wosenou.—Ezeke. 3:10, 11; 11:4-8; 14:6, 7; 37:9, 10; 38:1-4.
JIJILA APOLOFWETELELEMO
-
VYAKUMWENESA
-
VIFWANYISA
-
VYUMA ALINGILENGA
Mumukanda waEzekele mwatwama vyakumwenesa, navifwanyisa, navishimo, navyuma alingilenga Ezekele vize vyasolwele vyuma navikasoloka kulutwe.
KUTESAMO CHAUPOLOFWETO
Shimbu jimwe upolofweto uze ahanjikile Ezekele wateselemo mujijila jakulisezaseza. Chakutalilaho, upolofweto wakukindulwisa kulemesa chamuchano, wateselemo chatete omu vatu jaKalunga vakindulukile muLifuchi lyaLushiko. Ngana muze vanalumbununa muKapetulu 9 mumukanda uno, upolofweto kana uli nakutesamo namakumbi ano, kaha nawa naukatesamo kulutwe.
Kunyima tunalinangulanga upolofweto wauvulu waEzekele, kaha twamwene ngwetu wemanyinyineko vyuma vimwe. Mukanda uno kaweshi kulumbununa ovyo vyemanyinako vyuma vimwe vyakufwana nge mutu, chipwe chuma, chipwe chihelako, kuvanga kaha nge Chisoneka chinasolola chuma kana hatoma. * Oloze naulumbununa omu unakutesamo upolofweto wauvulu waEzekele. Nauhanjika nawa havyuma natulinangula kumujimbu waEzekele nakuvatu, nakuvihela navyuma ahanjikile.
^ par. 12 Nge munakusaka kutachikiza vyavivulu kuvyuma vimwe novyo vyemanyinako, kaha talenu Kaposhi Kakutalila waMarch 15, 2015 mafwo 9-11, pala. 7-12; “[na]Vihula Vyakufuma Kuli Vaka-Kutanga” hamafwo 17-18 muKaposhi Kakutalila youmwe.