LIPWATA 7B
Mazu Amalemu amuMukanda waEzekele
“MwanaMutu”
LIZU KANA LYASOLOKA MAPAPA AKUZOMBOKA 90
MuMbimbiliya, Ezekele vamuvuluka ngwavo “mwanamutu” mapapa akuzomboka 90. (Ezeke. 2:1) Yehova hakuzachisa lizu kana kuli Ezekele apwile nakumwanukisa ngwenyi numba tuhu amuhanyine mulimo waulemu oloze apwile kaha ngana mwavakwavo vatu hano hamavu. Kaha nawa mumikanda yaMujimbu Wamwaza, Yesu vamuvuluka ngwavo “Mwanamutu” mapapa kafwe 82, kulumbununa nge apwile mutu yivene keshi nge kangelo uze alyalumwine kupwa mutuko.—Mateu 8:20.
“. . . Navakatachikiza Ngwavo Ami Yami Yehova”
MAZU KANA ASOLOKA MAPAPA AKUZOMBOKA 50
Ezekele asonekele mazu aKalunga akwamba ngwavo, vatu “navakatachikiza ngwavo ami yami Yehova” mapapa akuzomboka 50. Mazu kana asolwele nge Yehova kaha ikiye vatela kulemesa mujila yakwoloka.—Ezeke. 6:7.
“Yehova Mwata Wakulitulaho”
MAZU KANA ASOLOKA MAPAPA 215
Vulukiso yakwamba ngwavo “Yehova Mwata Wakulitulaho” yasoloka mapapa 215, kusolola nge lijina lyaKalunga lyapwa lyakulipwila kaha lyasolola nge vyuma vyakutenga vyosena vyapwa vyakukuminamo hakuvyesekesa kuli ikiye.—Ezeke. 2:4.
