LIPWATA 19B
Meya Nawavula Chikuma
Ezekele amwene kalwiji uze afuminyinyine kuchihela chaYehova chajila, nomu atohwele nakupwa nameya amavulu mukatando kakandende. Ngwamwene kuchikulo chauze kalwiji sali nasali kuli mitondo yamihako kaha nawa yapwilenga yakukisa vatu. Uno eyi mitondo yemanyinako ika?
Kalwiji Uze Mwakanganyalisa Vatu
KUSHIKULU: Omu vafunge vakindulukile kwimbo lyavo, Yehova avakiswile chikuma omu vazanyine mumulimo wakukindulwisa kulemesa chamuchano
MAKUMBI ANO: Kulemesa chamuchano vachikindulwishile mu 1919, kaha chalingishile vangamba jaKalunga vakushishika vavakisule
KULUTWE: Hanyima yaAlamangetone, Yehova mwakatukisula mujijila jajivulu jakufwana nge kutukafwa tukapwe vakukupuka mwosena nakutunangula muchano wauhya
Meya Akuneha Kuyoya
KUSHIKULU: Omu vaYuleya vavulile, Yehova avakiswile hakuvahana vapilishitu vaze vavanangwilenga jindongi jaKalunga. Kaha nawa vanganyalile kumawana vahanyinenga hatembele. Kakwapwile chuma numba chimwe chavahoneselenga kulemesa Kalungako
MAKUMBI ANO: Vatu vavavulu mukaye vananganyala kumuchano wamuMbimbiliya nakulinangula vyavivulu hali Yehova. Ngocho vatu kana vaneza mupalachise yakushipilitu nakulinunga navaze veji kulemesanga Yehova mujila yize etavila
KULUTWE: Mayevuyevu avatu vaze navakasanguka nawakalinunga hamwe navatu vaze navakayovoka jita yaAlamangetone, kaha vosena navakanganyala kuvyuma vyamwaza vize mwakavalingila Yehova
Mitondo yaMihako Yize Nawa Nayuka Vatu
KUSHIKULU: Yehova anangwile vatu jenyi muchano wamuMbimbiliya nakuvakafwa vamulemese mujila yize etavila
MAKUMBI ANO: Muchano wauvulu wamuMbimbiliya unakukafwa vatu jaKalunga vapwenga vakushishika kuli ikiye nakulihenda kukuvulumuna milonga yashili yayinene navishinganyeka vyavipi vyavatu vakukaye
KULUTWE: Kulishitu navaze 144,000 mwakayula navo, navakakafwa vatu vakushishika vakapwe vakukupuka mwosena nakupwa vakulikangula kumijimba haya myaka yosena