LIPWATA 18A
Yehova Eji Kuhuhumunanga Vatu Vatachikize Vyakwiza chaJita Yayinene
MuMbimbiliya mwatwama upolofweto wauvulu uze wahuhumuna vatu vatachikize vyajita yayinene yize mwakaneha Yehova mangana akanongese vaka-kole vaze veji kumufumbukilanga, vaze nawa veji kufumbukilanga vatu jenyi. Mwishi vanasonekamo upolofweto umwe. Talenu omu mazu akuhuhumuna analifwane. Tachikizenu nawa ngwenu awa mazu akuhuhumuna asolola nge Yehova asaka vatu vosena vawevwe nakwakulako washi.
MUMAKUMBI AVAISALELE VAKUSHIKULU
EZEKELE: “Mwata Wakulitulaho Yehova nambe ngwenyi, ‘Nangukanehela Ngonge poko yamukwale kufuma hajipili jami josena.’”—Ezeke. 38:18-23.
YELEMIYA: “[Yehova] mwasopesa vatu vosena, mwajiha vaka-kuhuka napoko yamukwale.”—Yele. 25:31-33.
NDANYELE: “Kalunga wamwilu mwakahakako wangana uze . . . naukachika mawangana osena awa nakuwanongesa.”—Ndanye. 2:44.
LIKULUKAJI LYAMYAKA LYAKULIVANGA C.E.
YESU: “Nakukapwa luyando lwalunene, luze kanda lusolokengaho lyehi kufuma kukuputuka chakaye.”—Mateu 24:21, 22.
PAULU: “Yesu . . . navangelo jenyi vangolo . . . [navakazangamisa] vaze vazeneka kutachikiza Kalunga.”—Teso. 2, 1:6-9.
PETULU: “Likumbi lyaYehova nalikeza nge mwiji . . . kaha mavu namilimo yiliho navikasoloka hatoma.”—Petu. 2, 3:10.
YOWANO: “Mukanwa [kaYesu] mwalovokele poko yamukwale yayisuku yakuvambuka yakujihisa vaka-mafuchi.”—Kuso. 19:11-18.
MAKUMBI ANO
Mbimbiliya himukanda umwe uze vali nakwalumuna chikuma mukaye kosena nakuupangila kuvatu
VANGAMBA JAYEHOVA VAMAKUMBI ANO . . .
-
Vali nakuhana vatu mikanda yahanjika haMbimbiliya mumalimi amavulu
-
Vali nakuzata jola jajivulu mwaka himwaka mumulimo wakwambulula