CHIHANDA 2
“Unajilulula Chihela Chami Chajila”—Kulemesa chaMuchano Navachipihisa
CHISHINA: Vatu vamuYuta namuYelusalema vapihile kushipilitu nakupwa navilinga vyavipi
Yehova azangile vaIsalele nakuvazakama kwijiva nge ‘luheto luze azangile’ chikuma. (Kulo. 19:5, kwinyikila chamwishi) Oloze vakiko valemeselenga tulunga vamakuli mutembele yenyi. Chuma valingile chevwishile Yehova kupihya, kaha nawa chasawile lijina lyenyi. Mwomwo ika vaIsalele valingililile chuma kana? Vyuma muka natulinangula kuupolofweto waEzekele uze wahanjika vyakunongesa Yelusalema? Vishina muka natulinangula kuli vaIsalele omu valikachilenga navatu vakumafuchi aze avajingilikile?
MUCHIHANDA CHINO
KAPETULU 5
Tala “Vyuma Vyaunyengwe Vali Nakulinga”
Ezekele amwene vyuma viwana vyaunyengwe vize vyasolwele nge lifuchi lyapihile chikuma kushipilitu.
KAPETULU 6
“Kukuma Chineza Jino Hali Enu”
Vinjikizo alingile Ezekele vyaupolofweto vyasolwele omu Yehova mwakazangamisa Yelusalema.
KAPETULU 7
Vaka-Mafuchi “Navakatachikiza Ngwavo Ami Yami Yehova”
Yehova azangamishile vaka-mafuchi vaze vasawilenga lijina lyenyi nakuyanjisa vatu jenyi. Vyuma muka natulinangula kuli vaIsalele omu valikachile navaka-mafuchi kana?
