Mwashinganyeka Ngwenu Kulutwe Nakukapwa Ngachilihi?
Uno kano kaye ketu . . .
-
nakakapwanga lika ngana tahi?
-
nakakapihya chikuma tahi?
-
nakakawaha tahi?
VYUMA YAHANJIKA MBIMBILIYA
“Kalunga . . . mwakahunda masoji osena kumeso avo, kufwa kacheshi kukapwako chekako, kaha nawa kakweshi kukapwa cheka kulishona, chipwe miteto, chipwe kukolako. Vyuma vyakulivanga vinafumuko lyehi.”—Kusoloka 21:3, 4, Mbimbiliya yaKaye Kakahya.
OMWO MUNAHASE KUNGANYALA
Namukapwa namilimo yamwaza yize nayikamisuulwisa.—Isaya 65:21-23.
Kamweshi kukaviza chipwe kukahita muukalu numba umweko.—Isaya 25:8; 33:24.
Namukawahililanga haya myaka yosena natanga yenu, namasepa jenu.—Samu 37:11, 29.
UNO TWATELA CHIKUPU KUFWELELA VYUMA YAHANJIKA MBIMBILIYA TAHI?
Eyo, mwomwo yavishina vino vivali:
-
Kalunga atwama nangolo jakutesamo vyuma ashika. Yehova Kalunga ikiye kaha vavuluka muMbimbiliya ngwavo, “Wangolo Josena,” mwomwo atwama nangolo kuhambakana vyuma vyosena. (Kusoloka 15:3) Shikaho nahase kuwahisa hamavu hosena nge muze ashika. Mbimbiliya yamba ngwayo, “kuli Kalunga vyuma vyosena vyapwa vyavyashi.”—Mateu 19:26.
-
Kalunga afwila kutesamo vyuma ashika. Chakutalilaho, Yehova afwila kukasangula vafu.—Yopa 14:14, 15.
Mbimbiliya yasolola nawa ngwayo naMwanaKalunga, Yesu, okilenga vaveji. Mwomwo ika alingililile ngocho? Mwomwo asakile kulinga vene ngocho. (Mako 1:40, 41) Yesu asolwele muchima waIse hakukafwa vatu vakukalikiza.—Yowano 14:9.
Ngocho twatela kufwelela ngwetu Yehova naYesu vali nakusaka chikupu kutukafwa tukalivwise kuwaha kulutwe!—Samu 72:12-14; 145:16; WaPetulu 2, 3:9.
VYUMA MUKA MWATELA KUSHINGANYEKAHO?
Uno Kalunga mwakalingisa ngachilihi kano kaye kakapwe kamwaza?
Mbimbiliya yakumbulula chihula kana hali MATEU 6:9, 10 naNDANYELE 2:44.
Pamo Nauzanga Nawa
KAPOSHI KAKUTALILA
Mbimbiliya Yahanjika Muchano haVyuma Navikasoloka Kulutwe
Jikijisenu lufwelelo lwenu hakushinganyeka havyuma vize ahanjika Kalunga ngwenyi navikasoloka kulutwe hano hamavu nakuvatu vaze navakatwamaho.
VIHANDE VIKWAVO
Lutalililo Lwakukapwa Nakuyoya Chamwaza Kulutwe
Mwomwo ika jishiko jamuMbimbiliya jalihandunwina najishiko javatu?
ESSENTIAL BIBLE TEACHINGS
Wangana waKalunga Chuma Muka?
Omu Yesu azachilenga mulimo wakwambulula, anangwilenga chikuma hachihande chaWangana waKalunga kuhambakana vihande vyeka. Hamyaka yayivulu, vaka-kumukavangiza vanalombonga ngwavo Wangana wizenga.
KAPOSHI KAKUTALILA
Uno Wangana waKalunga Naukalinga Vyuma Muka?
Yesu atachikijile ngwenyi Wangana waKalunga ukiko kaha naukafumisako ukalu vali nakumona vatu hano hamavu. Vyuma muka unalingi Wangana waKalunga vize navimikafwa mufwelele vyuma kana?
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.
