CHILONGESA 13
Kulumbununa Kanawa Nganyo yaChihande
Vishimo 3:21
VYUMA WATELA KULINGA: Kafwa vaze vali nakukwivwilila vevwishise omwo chihande chove chinakwate hakuyoya chavo, nakuvalweza vyuma vatela kulinga kweseka navyuma vanalinangula.
MWAKULINGILA NGOCHO:
-
Shinganyeka hali vaze vali nakukwivwilila. Watela kushinganyeka havyuma navikalingisa vatu vakevwilile kuvyuma mukavalweza, nakushinganyeka nawa havishina vize navikavakafwa chikuma.
-
Muchihande chove chosena watela kulweza vaze vali nakukwivwilila vyuma vatela kulinga. Omu vene muputuka kuhanjika chihande chove lingisa mutu himutu amone ngwenyi, ‘Chihande kana nachingukafwa.’ Omu nauvuluka chishina hichishina, watela kusolola namwakuchizachishila, keshi kuchivuluka kahako.
