Wahisa kanawa vyuma mukahanjika. Hehwojola kanawa mangana wivwishise vishina vili muchihande chove nakuwana omwo Mbimbiliya yasolola ngwayo vishina kana vyakwoloka. Eseka kuhanjika vishina vyavinene vyachihande chove mumazu amandende, kaha nawa amashi. Haka chikuma mangana kunganyo navakawanamo vaze navakakwivwilila. Lomba Yehova akuhane shipilitu yenyi yajila.

Zachisa mazu aze nawakunyula vatu. Tunga mikuku yove keshi nge kukavangiza mwamuze vene vanayisonekelako. Zachisa mazu aze nawasolola nge nayove unakunyuka navyuma uli nakuhanjika.

Hanjika mujila yize nayisolola nge chikupu vene unakunyuka. Hanjika nalizu lyakutamo. Watela kutala vatu unakuhanjika navo. Oloze kanda kuvatala mujila yize nayivevwisa kupihyako.