CHILONGESA 16
Kukolezeza Vatu naKuvatunga
Yopa 16:5
VYUMA WATELA KULINGA: Hanjika havyuma vize vinahase kukumisa ukalu navize navivakafwa vapwenga vakujikiza.
MWAKULINGILA NGOCHO:
-
Watela kumona vaze vali nakukwivwilila mujila yamwaza. Watela kufwelela ngwove vandumbwove navakiko vasaka kwivwisa Yehova kuwaha. Shikaho watela kuvasangejeka havyuma vyamwaza veji kulinganga shimbu kanda uvahuhumune.
-
Kehesako kuhanjika mijimbu yayipi. Unahase kuhanjika mijimbu yayipi kuvangila kaha nge mijimbu kana yili navishina vize navinganyalisa vatu. Watela nawa kuyihanjika mujila yize nayikolezeza vatu.
-
Zachisa kanawa Mazu aKalunga. Watela kukafwa vatu vatachikize vyuma navalingila Yehova, navize ali nakuvalingila oholyapwa, navize nawa mwakavalingila kulutwe. Kaha watela nawa kuvakolezeza nakuvajikijisa.
