Watela kulomba nakuliwahisa kanawa. Lomba Yehova akukafwe uhake chikuma mangana kumujimbu uli nakuwahisa keshi hali ove yiveneko. Shinganyeka chikuma havishina vyavilemu vize mukasaka kushindakanya. Watela kuzachisa mazu ove keshi kukukavangiza lizu hilizu ngana muze vanasoneka halipapilo uli nakuzachisako.

Hanjika namuchima wove wosena. Shinganyeka ovyo vatu vatela kwivwilila kumazu uli nakuvalweza. Watela kuvatala, kaha jila mwimanyinamo, nomu muzachishilamo mujimba nomu musoloka hameso yatela kukusolola nge uli nachisambo nazangi.

Tala vatu unakuhanjika navo. Watela kutala vatu unakuhanjika navo. Oloze kanda kuvatala mujila yize nayivevwisa kupihyako. Kachi nge unakuhanjika chihande, kaha watela kutala mutu himutu ali mulizavu muchishishisa chakuvatalila hamwe mwalizavu.