CHILONGESA 3
Kuzachisa Vihula
Mateu 16:13-16
VYUMA WATELA KULINGA: Hulisa vihula vyamwaza vize navilingisa vatu vapwenga nachipepa chakutwalaho kwivwilila, vize navivalingisa vashinganyeke, vize nawa navishindakanya vishina vyavinene.
MWAKULINGILA NGOCHO:
-
Lingisa vatu vapwenga nachipepa chakutwalaho kwivwilila. Hulisa vihula vize vatu navakumbulwila mumichima yavo, nakuvalingisa vafwile kwijiva muvakumbulwila vihula kana.
-
Kafwa vatu vashinganyeke hachihande unakuhanjika. Kafwa vatu unakuhanjika navo vakavangize kanawa chihande chove hakuhulisa vihula vize navivalingisa vevwishise nakwitavila vyuma unakuhanjika.
-
Shindakanya vishina vyavinene. Hulisa chihula chize nachivwisa vatu kuwaha mangana ujimbule chishina chachinene. Nge unashimutwila lyehi chishina chachinene chipwe nge hinaukukulula chihande chove, kaha watela kuhulisa vihula vyakuhitulukamo.