Shinganyeka ovyo uli nakutangila chisoneka. Jimbula visoneka mujila yize nayilingisa vaze vali nakukwivwilila vamone chishina uli nakusaka kushindakanya muvesi mutanga.

Zachisenunga Mbimbiliya hakunangula. Kachi nge uli nakushimutwila navatu vaze vafwelela muli Kalunga, kaha watela kuzachisa Mbimbiliya hakupwa “Mazu aKalunga” mangana usolole ngwove muMbimbiliya mwatwama mangana amwenemwene.

Lingisa vatu vapwenga nachipepa chakwivwilila kuchisoneka mutanga. Hulisa chihula chize navakumbulula muchisoneka, kaha vuluka ukalu umwe nomu chisoneka chinahase kukafwa kukumisa ukalu kana chipwe hanjika jindongi jimwe jize navevwishisa kanawa hakuzachisa Chisoneka.