Wana mazu amalemu. Hanyima yakutanga chisoneka, watela kusakula mazu amuchisoneka kana aze anapandama kuchishina chachinene chize uli nakulumbununa. Unahase kulinga ngocho hakuvuluka cheka mazu kana chipwe kuhulisa chihula chize nachilingisa vaze vali nakukwivwilila vamone mazu kana.

Shindakanya chishina chachinene. Kachi nge hakujimbula chisoneka unahanjika ovyo nauchitangila, kaha lumbununa omwo mazu amalemu amuchisoneka analikwatasana nachishina kana.

Lumbununa kanawa mwakuzachishila chisoneka. Kawatela kuhanjika havyuma vize kavyakundwijile chishina chachilemu uli nakulumbununako. Nge chihande uli nakushimutwila vachitachikiza lyehi kuli vaze vali nakukwivwilila, kaha watela kuvuluka kaha unjiho uze nauvalingisa vevwishise kanawa chishina uli nakulumbununa nakumona mwakuchizachishila.