Zachisa unjiho wamuchano. Vyuma nauhanjika vyatela kuzama haMazu aKalunga, ngocho watela kutanga muMbimbiliya nge chinahase. Nge nauzachisa unjiho wavaka-sayasi, chipwe wakufuma kuli vaka-kwazana mijimbu, chipwe kuzachisa chakutalilaho numba mujimbu weka, kaha vangila kukekesa umone numba nge vyuma kana vyamuchano kaha nawa vatu vachili nakuvifwelela.

Zachisa unjiho mujila yakwoloka. Watela kulumbununa visoneka kweseka namuze chinayi chihande, nomwo yahanjika mijimbu yamuMbimbiliya kaha nawa kweseka namikanda yakufuma kuli “ndungo wakushishika wakuzangama.” (Mateu 24:45) Kachi nge muzachisa unjiho uze unafumu mumikanda yakukaye chipwe uze unevu hachisaji chahapeho mangana ulumbunune chishina uli nakuhanjika, kaha watela kuuzachisa kweseka namuze vausoneka chipwe nomwo vanauhanjika.

Lingisa vaze vali nakukwivwilila vashinganyeke haunjiho uli nawo. Hanyima yakutanga chisoneka chipwe kuvuluka unjiho umwe, hulisa vihula vyamwaza chipwe kuzachisa chakutalilaho hakulumbununa chishina mangana ukunyule vaze vali nakukwivwilila.