Vyuma Muka Vinahase Kulingisa Tanga Kupwa Yakuwahilila?
Munashinganyeka ngwenu . . .
-
zangi tahi?
-
jimbongo tahi?
-
nyi kuliko vyuma vyeka?
VYUMA YAHANJIKA MBIMBILIYA
“Vawahilila shina vaze veji kwivwililanga mazu aKalunga nakuwalamanga.”—Luka 11:28, Mbimbiliya yaKaye Kakahya.
OMWO MUNAHASE KUNGANYALA
Mwakupwila nazangi yamuchano.—Wavaka-Efwesu 5:28, 29.
Kulisolwela kalemesa kamwenemwene.—Wavaka-Efwesu 5:33.
Kupwa namukingo wamwenemwene.—Mako 10:6-9.
UNO TWATELA CHIKUPU KUFWELELA VYUMA YAHANJIKA MBIMBILIYA TAHI?
Eyo, mwomwo yavishina vino vivali:
-
Kalunga ikiye aputukile tanga. Mbimbiliya yamba ngwayo “tanga hitanga . . . yinatambula lijina lyayo” kuli Yehova Kalunga. (Wavaka-Efwesu 3:14, 15) Echi chalumbununa nge, Yehova ikiye aputukile tanga. Mwomwo ika chishina kanechi chapwila chachilemu?
Shinganyekenu hachakutalilaho chino: Iya munahase kuhulisa nge munasake kwijiva vyuma vanatelekesa kulya chiyema chize munakulya? Namuhulisa uze nachiteleka.
Chochimwe nawa, nge natusaka kwijiva vyuma vyeji kulingisanga tanga kupwa yakuwahilila, kaha twatela kuhulisa Yehova uze aputukile tanga.—Kuputuka 2:18-24.
-
Kalunga eji kumizakamanga. Tanga hitanga yatela kukavangiza vyuma mwavalweza Yehova kuhichila muMazu enyi. Mwomwo ika? “Mwomwo amizakama.” (WaPetulu 1, 5:6, 7) Yehova amizakama chikuma, kaha namazu enyi nawa eji kukafwanga.—Vishimo 3:5, 6; Isaya 48:17, 18.
VYUMA MUKA MWATELA KUSHINGANYEKAHO?
Vyuma muka vinahase kumikafwa mupwenga malunga, chipwe mapwevo chipwe visemi vamwenemwene?
Mbimbiliya yakumbulula chihula kana hali WAVAKA-EFWESU 5:1, 2 naWAVAKA-KOLOSE 3:18-21.
Pamo Nauzanga Nawa
TONENU
Mangana Nawatukafwa Tupwenga Vakuwahilila muTanga
Vyuma muka vatela kulinga malunga vambata, namapwevo vasomboka, navisemi navana, mangana vapwenga vakuwahilila mutanga?
KUKUMBULULA VIHULA VYAKUPANDAMA KUMBIMBILIYA
Uno Mbimbiliya Yinahase Kungukafwa Ngupwenga naTanga Yakuwahilila Tahi?
Jindongi jamuMbimbiliya jinakafwe vatu vavavulu vapwenga najitanga jakuwahilila.
TONENU
Jitanga-Jifukile—Kuzachila Hamwe
Uno muka-mahyenu apwa nge mutu uze mwatwama nenyi mukapete kamwe tahi?
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.
