CHILONGESA 02
Mbimbiliya Yatushika Vyuma Vyamwaza
Vatu mukaye vali nakumona ukalu uze uli nakuvahombesa, nakuvalingisa valizakamine nakuviza. Kutala nayove wamonaho lyehi ukalu kana tahi? Pamo uli nakuyanda mwomwo yakuviza chipwe kufwisa. Unahase kulihulisa ngwove, ‘Uno ukalu kana naukakuma tahi?’ Tachikiza ngwove Mbimbiliya yakumbulula chihula kana.
1. Vyuma muka yatushika Mbimbiliya?
Mbimbiliya yalumbununa chuma chalingisa vatu mukaye vamone ukalu. Kaha yatushika nawa ngwayo ukalu kana kalinwomu ukume. Mbimbiliya yamba ngwayo unahase kukayoya “kanawa kulutwe nakupwa nalutalililo.” (Tanga Yelemiya 29:11, 12.) Vyuma yatushika Mbimbiliya vyeji kutukafwanga tumike nge tuli nakumona ukalu, nakupwa vakuwahilila oholyapwa nakulutwe nawa.
2. Mbimbiliya yatushika chiyoyelo chakufwana ngachilihi kulutwe?
Mbimbiliya ngwayo, kulutwe “kufwa kacheshi kukapwako chekako, kaha nawa kakweshi kukapwa cheka kulishona chipwe miteto chipwe kukolako.” (Tanga Kusoloka 21:4.) Ukalu wauhutu tuli nakumona, nakutulinga mwamupi, nakuviza, nakufwa naukalu weka, kaweshi kukapwako chekako. Mbimbiliya yatushika ngwayo, vatu navakalivwisa kuwaha kuyoya haya myaka yosena muPalachise hano hamavu.
3. Chuma muka nachikukafwa ufwelele ngwove vyuma yashika Mbimbiliya navikatesamo?
Numba tuhu vatu vavavulu vasaka kukamona vyuma vyamwaza kulutwe, oloze kavafwelela ngwavo navikasolokako. Oloze ijiva ngwove vyuma yashika Mbimbiliya navikatesamo chikupu. Nge ‘natukekesanga kanawa Visoneka,’ kaha nachitukafwa tufwelele vyuma yatushika Mbimbiliya. (Vilinga 17:11) Omu naulinangula Mbimbiliya, naulimwena ove ivene numba nge chinatemo kufwelela vyuma yahanjika Mbimbiliya kutalisa kuvyuma navikasoloka kulutwe nyi chiku.
LINANGULE VYAKUJIMINYINA
Natukekesa vyuma vimwe navikasoloka kulutwe vize yatushika Mbimbiliya, nakumona nawa omu vyuma kana vili nakukafwa vatu makumbi ano.
4. Mbimbiliya yatushika ngwayo, natukayoya haya myaka yosena chakuzeneka kuyanda
Tutale jishiko vatushika muMbimbiliya eji vanasoneka mwishi. Jishiko muka unazange hajishiko kana? Kaha mwomwo ika?
Tangenu visoneka vanenyikilako, nakushimutwila havihula vino:
-
Uno visoneka kana vinahase kukukafwa tahi? Kutala unafwelela ngwove navikafwa vausoko wove namasepa jove tahi?
Achishinganyeke kukayoyela mukaye muze
|
KAMWESHI KUKAPWA MUTU . . . |
VATU VOSENA . . . |
|---|---|
|
|
|
|
|
|
|
|
|
|
5. Vyuma yatushika Mbimbiliya vinahase kutukafwa oholyapwa
Vatu vavavulu vali nakumona ukalu uze uli nakuvahombesa, chipwe kuvevwisa kupihya. Vatu vamwe veji kukilikitanga mangana vyuma vipwenga kanawa. Mbimbiliya yatushika ngwayo vyuma navikapwa kanawa. Tala omwo kutachikiza vyuma kana chili nakukafwa vatu oholyapwa. Talenu VINDIYO, nakushimutwila havihula vino:
-
Kweseka navindiyo tunatale, vilinga muka vyavipi vyevwishilenga Rafika kupihya?
-
Uno Mbimbiliya yamukafwile ngachilihi numba tuhu vilinga kana vyatwalileho lika?
Kachi nge natufwelela vyuma yatushika Mbimbiliya, kaha natupwa vakuwahilila numba tuhu tuli nakumona ukalu. Tangenu Vishimo 17:22 naWavaka-Loma 12:12, nakushimutwila havihula vino:
-
Kutala wafwelela ngwove vyuma yatushika Mbimbiliya, vinahase kwalumuna chiyoyelo chove oholyapwa tahi? Kaha mwomwo ika?
VATU VAMWE NGWAVO: “Vyuma yatushika Mbimbiliya kavyapwa vyamuchanoko.”
-
Mwomwo ika chapwila chachilemu kulitondela unjiho ove yivene?
CHISHINA UNALINANGULA
Mbimbiliya yatushika vyuma vyamwaza. Kaha vyuma kana vyeji kutukafwanga tuhone kuhomba numba nge tuli nakumona ukalu.
Kuhituluka
-
Mwomwo ika vatu vatela kutachikijila jishiko jamuMbimbiliya?
-
Uno Mbimbiliya ngwayo chiyoyelo nachikapwa ngachilihi kulutwe?
-
Uno kutalilila vyuma vatushika nachikukafwa ngachilihi oholyapwa?
WANA VYAVIVULU
Wana omwo lutalililo lunahase kukukafwa kachi nge uli muukalu.
“Vyuma Muka Navikukafwa Upwenga naLutalililo?” (Tonenu!, April 22, 2004)
Wana omwo lutalililo lunahase kukafwa vaze vaviza.
“Uno Mbimbiliya Yinahase Kumikafwa Nge Mwaviza Misongo Yakutekeleka Tahi?” (Chihande chahaInternet)
Omu nautala eyi vindiyo yamwaso, shinganyeka uli natanga yove muPalachise yize vatushika muMbimbiliya, muli nakulivwisa kuwaha.
Tanga umone omwo vyuma vatushika muMbimbiliya vyalumwine kuyoya chamutu umwe.
“Kangweshi Cheka naVishinganyeka Vyakusaka Kwalumuna Kayeko” (Chihande chamuKaposhi Kakutalila)
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
