Vyuma navikukafwa wivwishise vino vilongesa vinakuhanjika haMbimbiliya
Linangule namuka-kukunangula: Lweza mutu nakuhane yino mbuloshuwa mangana akunangulenga Mbimbiliya, chipwe lomba vakunangule Mbimbiliya hakusoneka fwomu yili hakeyala yetu ya jw.org/lue.
CHIHANDA CHATETE
Tanga jipalangalafu josena kuhakilako navihula vize vili muulombo ulava (A) navisoneka (B) haze hanazame vishina vyavinene. Muli navisoneka vanambe ngwavo “tanga.”
CHIHANDA CHAMUCHIVALI
Mazu ali mwishi (C) yaLinangule Vyakujiminyina ali nakulumbununa vyuma naulinangula. Tumitwe twatundende (D) tunajimbula vishina vili mujipalangalafu. Tanga visoneka, nakukumbulula vihula nakutala jivindiyo (E).
Tala mivwimbimbi namazu akuyilumbununa (F). Shinganyeka nawa mwakukumbulwila vatu vaze navahanjika vyuma vize vanasoneka haze vanambe ngwavo Vatu Vamwe Ngwavo (G).
CHIHANDA CHAMUCHITATU
Chishina Unalinangula naKuhituluka (H) vikiko vinakukulula chilongesa. Soneka likumbi unakumisa chilongesa. Haze vanasoneka ngwavo Chuma Watela Kulinga (I), hali vyuma watela kulitomena kulinga. Haze vanasoneka ngwavo Wana Vyavivulu (J) hali mijimbu unahase kutanga najivindiyo unahase kutala.
Mwakuwanyina visoneka vyamuMbimbiliya
Visoneka vanenyikilako vili nakukulweza mukanda wamuMbimbiliya (A), nakapetulu (B), navesi chipwe jivesi (C). Chakutalilaho, chisoneka chaYowano 17:3 chili nakwinyikilako mukanda waYowano, kapetulu 17, vesi 3.
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
