CHILONGESA 16
Vyuma Muka Alingile Yesu Omu Apwile Hano Hamavu?
Vatu vavavulu vatachikiza kaha ngwavo Yesu apwile kemba, chipwe kapolofweto wamangana, chipwe mutu uze afwile. Oloze tunahase kulinangula vyavivulu hali Yesu nge natukekesa chiyoyelo chenyi omu apwile hano hamavu? Muchilongesa chino natushimutwila havyuma vimwe vyavilemu alingile Yesu nomwo vinahase kutukafwa.
1. Mulimo muka waulemu chikuma azachile Yesu?
Mulimo waulemu chikuma azachile Yesu shina “[wakwambulula] mujimbu wamwaza waWangana waKalunga.” (Tanga Luka 4:43.) Ambulwilenga mujimbu wamwaza ngwenyi Kalunga mwakahakako wangana chipwe ngwetu fulumende yize nayikakumisa ukalu wosena vali nakumona vatu. a Yesu ambulwile mujimbu kanou wamwaza hamyaka yitatu nachimbwa.—Mateu 9:35.
2. Mwomwo ika Yesu alingililenga vyuma vyakukomwesa?
Mbimbiliya yavuluka “milimo yangolo [yayivulu], navyuma vyakukomwesa, navinjikizo vize alingilenga Kalunga [kuhichila muli Yesu].” (Vilinga 2:22) Kalunga ahanyine Yesu ngolo jakuunjisa peho, nakulisa makombakaji avatu, nakuka vaveji nakusangula vafu. (Mateu 8:23-27; 14:15-21; Mako 6:56; Luka 7:11-17) Vyuma vyakukomwesa alingile Yesu vyasolola hatoma nge vamutumine kuli Kalunga, kaha nawa Yehova atwama nangolo jakukumisa ukalu wetu wosena.
3. Vyuma muka natulinangula kuli Yesu?
Yesu ononokelenga Yehova muvyuma vyosena. (Tanga Yowano 8:29.) Chamokomoko nakumufumbukila, Yesu atwalileho lika kukavangiza vyuma vize amulwezele Ise swi nakukufwa chenyi. Asolwele hatoma ngwenyi mutu nahase kuzachila Kalunga numba tuhu ali nakumona ukalu. Chikupu vene, Yesu ‘atusela chakutalilaho mangana tukavangizenga kanawa mujitambo jenyi.’—WaPetulu 1, 2:21.
LINANGULE VYAKUJIMINYINA
Wana omwo Yesu ambulwilenga mujimbu wamwaza nakulinga vyuma vyakukomwesa.
4. Yesu ambulwilenga mujimbu wamwaza
Yesu atambukilenga jitunda jajisuku hamahinji, nakwambulila vatu vavavulu mujimbu wamwaza. Tangenu Luka 8:1, nakushimutwila havihula vino:
-
Uno Yesu ambulililenga kaha vatu vaze vejilenga kuli ikiye tahi?
-
Yesu azachile ngachilihi nangolo mangana awane vatu?
Kalunga ahanjikilile chimweza ngwenyi Meshiya mwakambulula mujimbu wamwaza. Tangenu Isaya 61:1, 2, nakushimutwila havihula vino:
-
Uno Yesu ateselemo ngachilihi upolofweto kana?
-
Uno washinganyeka ngwove vatu makumbi ano vali nakusakiwa kuvambulila mujimbu wamwaza tahi?
5. Yesu anangwilenga vishina vyavilemu
Omu Yesu ambulwilenga mujimbu wamwaza wakuvuluka Wangana waKalunga, anangwilenga nawa vatu vishina vyavilemu vize vyavakafwile. Tushimutwile jino havyuma vimwe ahanjikile muChihande chenyi ChahaPili. Tangenu Mateu 6:14, 34, na 7:12, nakushimutwila havihula vino:
-
Kweseka najivesi tunatange, vishina muka ahanjikile Yesu?
-
Uno washinganyeka ngwove vishina kana vinahase kukafwa vatu makumbi ano tahi?
6. Yesu alingilenga vyuma vyakukomwesa
Yehova ahanyine Yesu ngolo jakulinga vyuma vyakukomwesa vyavivulu. Hakusaka utachikize chuma chimwe chakukomwesa alingile Yesu, tangenu Mako 5:25-34 chipwe talenu VINDIYO. Kufumaho shimutwilenu havihula vinakavangizaho.
-
Kweseka navindiyo, chuma muka afwelelele uze pwevo apwile nakuviza?
-
Uno echi chuma chakukomwesa chinakwivwisa kuwaha tahi? Mwomwo ika?
Tangenu Yowano 5:36, nakushimutwila hachihula chino:
-
Uno vyakukomwesa alingilenga Yesu vyahanyine “unjiho” muka hali ikiye?
Uno watachikiza tahi?
Vyuma vyavivulu twatachikiza hali Yesu vyatwama mumikanda yiwana yamuMbimbiliya yize vavuluka ngwavo Mikanda yaMujimbu Wamwaza. Mikanda kana shina Mateu, naMako, naLuka naYowano. Vatu vaze vasonekele eyi mikanda vasonekele vyuma vyavivulu hali Yesu. Kaha vyuma kana vyatukafwa tutachikize kanawa omwo chapwile kuyoya chenyi.
-
MATEU
ikiye alivangile kusoneka mukanda wenyi waMujimbu Wamwaza. Mukanda kana washindakanya vyuma anangwilenga Yesu, chikumanyi vyakuvuluka Wangana waKalunga.
-
MAKO
asonekele mukanda wawihi waMujimbu Wamwaza. Oloze mwatwama mijimbu yayivulu chikuma.
-
LUKA
asonekele vyuma vyakutalisa kukulomba nomwo Yesu azakaminyinengamo mapwevo.
-
YOWANO
asonekele vyuma vize Yesu ashimutwilenga namasepa jenyi navatu veka, vize vyasolwele muchima apwile nawo.
VATU VAMWE NGWAVO: “Yesu apwile kaha mutu wamwaza muchima, keshi Meshiyako.”
-
Nyi ove washinganyeka muka?
CHISHINA UNALINANGULA
Yesu ambulwilenga vyaWangana waKalunga, nakulinga vyakukomwesa, nakwononoka Yehova muvyuma vyosena.
Kuhituluka
-
Mulimo muka waunene azachile Yesu omu apwile hano hamavu?
-
Uno vyakukomwesa alingile Yesu vyasolola vyuma muka?
-
Vishina muka vyavilemu vize Yesu anangwile vatu?
WANA VYAVIVULU
Chihande muka chize avulilenga kuhanjika Yesu?
“Wangana waKalunga—Yesu Aumona Kupwa Waulemu Chikuma” (Chihande chamuKaposhi Kakutalila)
Wana vyuma navitulingisa tufwelele ngwetu chikupu vene Yesu alingile vyuma vyakukomwesa.
“Vyuma Muka Namulinangula kuVyuma Vyakukomwesa Alingile Yesu?” (Kaposhi Kakutalila, July 15, 2004)
Tanga uwane omwo lunga umwe alumwine kuyoya chenyi hakutachikiza omwo Yesu azakaminenga vatu.
“Ngwasakilenga Kulisuulwisa Kaha Ami Ivene” (Chihande chamuKaposhi Kakutalila)
Tala mukana wavyuma alingile Yesu kweseka nomwo vyalikavangijilililemo.
a Muchilongesa 31 nakuheta ku 33 natukashimutwila chikuma haWangana waKalunga.
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
