CHILONGESA 21
Uno Mujimbu Wamwaza Vali Nakuwambulula Ngachilihi?
Kalinwomu Yehova azachise Wangana wenyi mangana afumiseko ukalu wosena tuli nakumona. Mujimbu kana wamwaza chikuma, kaha vatu vatela kuwivwa. Yesu asakile vaka-kumukavangiza vambulule mujimbu kana kuvatu vosena. (Mateu 28:19, 20) Uno Vinjiho jaYehova vanakavangizanga ngachilihi lushimbi luze ahanyine Yesu?
1. Uno mazu ahali Mateu 24:14 ali nakutesamo ngachilihi makumbi ano?
Yesu ahanjikilile chimweza ngwenyi: “Mujimbu wamwaza waWangana navakawambulula hamavu hosena.” (Mateu 24:14) Etu Vinjiho jaYehova twawahilila kuzata ou mulimo waulemu. Tuli nakwambulula mujimbu wamwaza mukaye kosena mumalimi akuzomboka 1,000. Hakusaka tulivwise kuwaha kuzata ou mulimo waunene, chasakiwa kukilikita nakuuzata mukulonga. Mulimo kana katweshi kuhasa kuuzata chakuzeneka kutukafwa kuli Yehovako.
2. Uno vatu tweji kwambulilanga tweji kuvawananga kulihi?
Tweji kwambulilanga vatu kwosena okwo natuvawana. Tweji kwambulwilanga “kuzuvo hizuvo” ngana muze valingilenga vaka-Kulishitu vakulivanga. (Vilinga 5:42) Jila kaneyi yamwaza yeji kutukafwanga twambulile vatu vavavulu chikuma mwaka himwaka. Hakuwana nge vatu kavavula kupwa hamemboko, ngocho tweji kwambulwilanga nawa kuvihela vyasanga. Tweji kutondatondanga jijila jakuwanyinamo vatu mangana tuvanangule vatachikize Yehova navyuma ajina.
3. Veya vatela kwambulula mujimbu wamwaza?
Vaka-Kulishitu vamuchano vosena vatela kwambulilanga vatu mujimbu wamwaza. Twamona mulimo vatuhana kupwa waulemu. Tweji kuzatanga mulimo wakwambulula nangolo jetu josena, mwomwo twatachikiza ngwetu mulimo kana wapwa wakuyovola vatu. (Tanga WaChimoteu 1, 4:16.) Mulimo kana katwauzachila fwetoko, mwomwo Mbimbiliya yamba ngwayo: “Mwatambwile chawana, hanenunga nawa chawana.” (Mateu 10:7, 8) Vatu vamwe veji kukananga kwivwilila kumujimbu wetu. Oloze etu natutwalaho lika kwambulula, mwomwo twasaka kwononoka Yehova nakumwivwisa kuwaha.
LINANGULE VYAKUJIMINYINA
Wana vyuma vyeka tweji kulinganga etu Vinjiho jaYehova mangana twambulile vatu mukaye kosena, nomwo Yehova eji kutukafwanga.
Vali nakwambulula mujimbu mukaye kosena: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Tweji kuzatanga nangolo mangana twambulile vatu vosena
Vinjiho jaYehova veji kuzatanga nangolo mangana vambulile vatu mujimbu wamwaza kwosena okwo navavawana. Talenu VINDIYO, nakushimutwila hachihula chino:
-
Uno vyuma veji kulinganga Vinjiho jaYehova mangana vambulule mujimbu wamwaza, vinakwivwisa kuwaha tahi? Kaha mwomwo ika?
Tangenu Mateu 22:39 naWavaka-Loma 10:13-15, nakushimutwila havihula vino:
-
Uno mulimo twazata wakwambulula wasolola ngachilihi nge twazanga vakwetu?
-
Uno Yehova eji kwivwanga ngachilihi havatu vaze veji kwambululanga mujimbu wamwaza?—Tala vesi 15.
5. Tuvaka-kuzachila hamwe naKalunga
Mijimbu yayivulu yasolola nge Yehova ikiye ali nakutwaminyina mulimo twazata. Chakutalilaho, ndumbwetu Paul uze apwile nakwambulwila kuzuvo hizuvo nachingoloshi muNew Zealand, awanyine pwevo umwe. Uze pwevo alombele nachimene kuli Kalunga kuzachisa lijina lyenyi Yehova, nakumulweza amutumine mutu. Ndumbwetu Paul ambile ngwenyi: “Omu mwahichile jiola jitatu kufuma haze alombele uze pwevo, ngwahetele kuzuvo yenyi.”
Tangenu Wavaka-Kolinde 1, 3:9, nakushimutwila hachihula chino:
-
Uno ou mujimbu wamuNew Zealand namijimbu yeka yangana, yasolola ngachilihi nge Yehova ikiye ali nakutwaminyina mulimo wakwambulula?
Tangenu Vilinga 1:8, nakushimutwila hachihula chino:
-
Mwomwo ika twatela kupendamina hali Yehova hakuzata mulimo wetu wakwambulula?
Uno watachikiza tahi?
Chalumingo hichalumingo, kukukunguluka chamukachi kachalumingo veji kutunangulanga mwakwambulwila. Nge wayaho lyehi kukukunguluka kana, vyuma muka washinganyekele omu wevwile kunangula kanechi?
6. Tweji kwononokanga Kalunga hakwambulula
Mulikulukaji lyamyaka lyakulivanga, vaka-kole vakanyishile vaka-kukavangiza Yesu kwambulula mujimbu. Vaka-Kulishitu vakulivanga vahakwililile lisesa lyavo lyakwambulula “mujimbu wamwaza [hakuuzamisa] najishimbi.” (Wavaka-Fwilipi 1:7) Omu mukiko veji kulinganga naVinjiho jaYehova makumbi ano. a
Tangenu Vilinga 5:27-42, nakushimutwila hachihula chino:
MUTU NAHASE KUHULISA NGWENYI: “Mwomwo ika Vinjiho jaYehova veji kuyilanga nakwambulwila kuzuvo hizuvo?”
-
Uno unahase kumukumbulula ngachilihi?
CHISHINA UNALINANGULA
Yesu alwezele vaka-kumukavangiza vambululenga mujimbu wamwaza kuli vaka-mafuchi osena. Yehova ali nakukafwa vatu jenyi vazate mulimo kana.
Kuhituluka
-
Uno mujimbu wamwaza vali nakuwambulula ngachilihi mukaye kosena?
-
Uno mulimo twazata wakwambulula wasolola ngachilihi nge twazanga vakwetu?
-
Kutala mulimo wakwambulula weji kutwivwisanga kuwaha tahi? Mwomwo ika?
WANA VYAVIVULU
Tala omwo Vinjiho jaYehova veji kwambulilanga vatu mujinganda jajinene.
Mulimo Wakulipwila waKwambulwila kuVihela Vyasanga muParis (5:11)
Vyuma muka veji kulinganga Vinjiho jaYehova mangana vambulile matunduke?
Ivwa vyuma mwahanjika mutu umwe hakuwaha nalivwisa omu nazatenga mulimo wakwambulula washimbu yosena.
Ngwawahilila Hakuwana Nge Ngwasakwile Kuzachila Yehova (6:29)
Wana vihande vyakusolola omwo tunasambenga kujizango mangana tutwaleho kwambulula mujimbu wamwaza.
a Kalunga ikiye atwitavisa tuzate mulimo wakwambulula. Shikaho etu Vinjiho jaYehova katwasakiwa kutuhana lisesa kuli vaka-kuyula numba twambulule mujimbu wamwazako.
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
