CHILONGESA 25
Uno Kalunga Ajina Tupwenga naChiyoyelo Muka?
Mbimbiliya ngwayo, kuyoya chavatu chapwa ‘chamakumbi amandende, chakuzala navihuli.’ (Yopa 14:1) Uno Kalunga asaka tupwenga nachiyoyelo chakufwana ngana tahi? Nge kasakamoko, kaha chiyoyelo muka asaka tupwenga nacho? Uno vyuma asaka navikatesamo tahi? Wana vyuma yakumbulula Mbimbiliya vize navikwivwisa kuwaha.
1. Yehova asaka tupwenga nachiyoyelo muka?
Yehova asaka tupwenga nachiyoyelo chamwaza. Omu atengele Alama naEve, vaze vapwile vatu vatete, avahakile mupalachise yamwaza, mumilemba yaEtene. Kufumaho, “Kalunga avakiswile, avambile ngwenyi: ‘Semenunga muvule chikuma, muzalise hamavu, nakuwalamanga.’” (Kuputuka 1:28) Yehova asakile vaseme vana nakulingisa hamavu hosena hapwenga palachise, nakulama tunyama. Asakile ngwenyi vatu vosena vapwenganga namijimba yakulikangula nakuyoya haya myaka.
Numba tuhu vyuma kana kavyateselemoko, a oloze Kalunga kalumuna vishinganyeka vyenyiko. (Isaya 46:10, 11) Achili nakusaka vatu vaze veji kumwononokanga vakapwe nachiyoyelo chamwaza chakukupuka haya myaka.—Tanga Kusoloka 21:3, 4.
2. Vyuma muka navitukafwa tupwenga nachiyoyelo chamwaza oholyapwa?
Yehova atutengele namuchima wakusaka “vyuma vyakushipilitu,” kulumbununa kufwila kumutachikiza nakumulemesa. (Tanga Mateu 5:3-6.) Asaka tupwenga nausepa wakukola naikiye, “nakutambukanga mujijila jenyi josena, nakumuzanganga,” nakumuzachilanga ‘namichima yetu yosena.’ (Lushimbi lwamuchivali 10:12; Samu 25:14) Nge natulinga ngocho, kaha natupwa vakuwahilila numba tuhu tuli nakumona ukalu. Kulemesa Yehova nachitukafwa tupwenga vakuwahilila mwomwo tuli nakuyoya mujila yize asaka.
LINANGULE VYAKUJIMINYINA
Wana omwo Yehova asolwele zangi yayinene hakutuwahishila ano mavu, nomwo Mazu enyi atukafwa tutachikize ovyo tweji kuyoyelanga.
3. Yehova asaka vatu vapwenga nachiyoyelo chamwaza
Talenu VINDIYO, nakushimutwila hachihula chino:
-
Mwomwo ika Kalunga atengelele ano mavu?
Tangenu Muka-kwambulula 3:11, nakushimutwila hachihula chino:
-
Kweseka nechi chisoneka, Yehova asaka tupwenga nachiyoyelo chakufwana ngachilihi?
4. Vyuma ajinyine Yehova kavyalumukako
Tangenu Samu 37:11, 29 naIsaya 55:11, nakushimutwila hachihula chino:
-
Twatachikiza ngachilihi ngwetu vyuma ajinyine Yehova hali etu kavyalumukako?
Ngana muze navawahisa zuvo yinalyenyeka, mukiko nawa Kalunga mwakawahishila vaze vamuzanga ano mavu vasuvilila kuli vatu
5. Kulemesa Yehova nachitukafwa tupwenga vakuwahilila
Kutachikiza ovyo tweji kuyoyelanga nachitukafwa tupwenga vakuwahilila. Talenu VINDIYO, nakushimutwila hachihula chino:
-
Uno kutachikiza ovyo tweji kuyoyelanga chakafwile ngachilihi Terumi?
Tangenu Muka-kwambulula 12:13, nakushimutwila hachihula chino:
-
Hakuwana nge Yehova atulingila vyuma vyavivulu, vyuma muka twatela kumulingila?
MUTU NAHASE KUHULISA NGWENYI: “Uno tweji kuyoyelanga ika?”
-
Uno naumukumbulula ngachilihi?
CHISHINA UNALINANGULA
Yehova asaka tukapwe nachiyoyelo chamwaza chakukupuka hano hamavu haya myaka. Nge natumulemesa namichima yetu yosena, kaha natupwa vakuwahilila.
Kuhituluka
-
Mwomwo ika Yehova atengelelele Alama naEve?
-
Twatachikiza ngachilihi ngwetu vyuma ajinyine Kalunga hali vatu kavyalumukako?
-
Vyuma muka navikukafwa upwenga uwakuwahilila?
WANA VYAVIVULU
Wana unjiho wakusolola nge milemba yaEtene kuyapwile.
“Uno Milemba yaEtene Kuyapwile Nyi Chiku?” (Chihande chamuKaposhi Kakutalila)
Wana ovyo vyatulingisa tufwelele ngwetu ano mavu nawapwangako haya myaka.
“Uno Mavu Navakawanongesa Tahi?” (Chihande chili ha jw.org/lue)
Wana vyuma yahanjika Mbimbiliya vize navikukafwa upwenga wakuwahilila.
“Mwomwo Ika Tweji Kuyoyelanga?” (Chihande chili ha jw.org/lue)
Wana omwo lunga uze ashinganyekele ngwenyi apwile navyuma vyosena, awanyine jino chuma chachilemu chize chapwile nakusakiwa mukuyoya chenyi.
a Muchilongesa nachikavangizaho, naukalinangula chuma chalingishile vyuma kana vihone kutesamo.
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
