CHILONGESA 28
Sakwilila Yehova naYesu haVyuma Vakulingila
Uno weji kwivwanga ngachilihi nge sepa lyove nakuhane wana wamwaza? Twafwelela weji kuwahililanga chikuma nakusolola nawa ngwove wamona wana nakuhane kupwa waulemu. Yehova naYesu vatuhana wana waulemu chikuma. Wana muka? Kaha natusolola ngachilihi ngwetu twasakwilila hawana kana?
1. Jila muka yimwe natusolwelamo ngwetu twasakwilila Kalunga naKulishitu havyuma vatulingila?
Mbimbiliya yatushika ngwayo, ‘weshowo mwafwelela Yesu’ mwakayoya haya myaka. (Yowano 3:16) Uno kufwelela Yesu chalumbununa ika? Kachalumbununa kukumina kaha hakwitavila ngwetu Yesu kwatwamako. Oloze twatela nawa kusolola lufwelelo lwetu muvyuma natusakula navize natulinga. (WaYakova 2:17) Nge natusololanga lufwelelo lwetu muvilinga namuhanjikiso, kaha natuzamisa usepa wetu naYesu naIse Yehova.—Tanga Yowano 14:21.
2. Chilika muka chachilemu chize cheji kutukafwanga tusakwilile Yehova naYesu havyuma vatulingila?
Yesu alwezele vaka-kumukavangiza hachingoloshi chakukokela kukufwa chenyi, jila yikwavo yakusolwelamo kusakwilila hawana wenyi. Alingile chilika chakulipwila chize Mbimbiliya yavuluka ngwayo, “Kulya chaMwata chaChingoloshi,” chize vavuluka nawa ngwavo, Kwanuka Kufwa chaKulishitu. (Wavaka-Kolinde 1, 11:20) Yesu alingile chilika kana mangana vaposetolo jenyi, navaka-Kulishitu vamuchano vosena vanukenga ngwavo ahanyine kuyoya chenyi hali etu. Yesu ambile ngwenyi: “Lingenunga lika ngocho mungwanukilengaho ami.” (Luka 22:19) Nge naupwanga kuchilika chaKwanuka Kufwa chaMwata, kaha nausolola ngwove wasakwilila Yehova naYesu hazangi yayinene vatusolwela.
LINANGULE VYAKUJIMINYINA
Wana jijila jeka nausolwelamo ngwove wasakwilila Yehova naYesu hazangi yayinene vasolwele. Wana ovyo chilika chaKwanuka Kufwa chaKulishitu chapwila chachilemu.
3. Jila yikwavo yakusolwelamo kusakwilila chetu
Achishinganyeke mutu neza nakukuzambula hameya. Kutala nauvulyama chuma nakulingila tahi, nyi nauwanako jijila jakusolwelamo ngwove wasakwilila hachuma nakulingila?
Tuli nakutokwa chakukayoya haya myaka, mwomwo yalikoji lyaYehova. Tangenu WaYowano 1, 4:8-10, nakushimutwila havihula vino:
-
Mwomwo ika wana ahanyine Yesu wapwila waulemu?
-
Weji kwivwanga ngachilihi havyuma akulingila Yehova naYesu?
Natusolola ngachilihi ngwetu twasakwilila Yehova naYesu havyuma vatulingila? Tangenu Wavaka-Kolinde 2, 5:15 naWaYowano 1, 4:11; 5:3. Hanyima yakutanga vesi hivesi shimutwilenu hachihula chino:
-
Kweseka neyi vesi chuma muka twatela kulinga mangana tusolole kusakwilila chetu?
4. Londezezanga Yesu
Jila yikwavo yakusolwelamo kusakwilila chetu shina kulondezezanga Yesu. Tangenu WaPetulu 1, 2:21, nakushimutwila hachihula chino:
-
Mujijila muka unahase kukavangijilamo kanawa mujitambo jaYesu?
Yesu azangile Mazu aKalunga, nakwambulula mujimbu wamwaza nakukafwa vakwavo
5. Pwakonga kuchilika chaKwanuka Kufwa chaKulishitu
Hakusaka utachikize vyuma vyasolokele hachilika chatete chaKulya chaMwata chaChingoloshi, tangenu Luka 22:14, 19, 20. Kufumaho shimutwilenu havihula vino:
-
Vyuma muka vyasolokele haKulya chaMwata chaChingoloshi?
-
Uno mbolo navinyo vyemanyinako ika?—Tala vesi 19 na 20.
Yesu asakile tumbaji twenyi valingenga chilika chaKulya chaMwata chaChingoloshi kamwe mumwaka halikumbi lize afwile. Ngocho Vinjiho jaYehova veji kuliwananga mwaka himwaka nakulinga chilika chaKwanuka Kufwa chaKulishitu mujila yize achilingile ikiye. Hakusaka utachikize omwo chapwa echi chilika chachilemu, talenu VINDIYO. Kufumaho shimutwilenu hachihula chino:
-
Vyuma muka vyeji kusolokanga hachilika chaKwanuka Kufwa chaMwata?
Mbolo navinyo vyapwa vifwanyisa. Mbolo yemanyinako mujimba waYesu wakukupuka uze ahanyine kupwa wana wakutusokola. Vinyo vyemanyinako manyinga enyi
VATU VAMWE NGWAVO: “Nge mutu nafwelela Yesu kaha kunahu mwakayovoka.”
-
Nauzachisa ngachilihi Yowano 3:16 naWaYakova 2:17 mangana usolole ngwove kuli vyuma vyeka vyasakiwa?
CHISHINA UNALINANGULA
Tweji kusololanga ngwetu twasakwilila Yesu havyuma atulingila, hakumufwelela nahakupwanga kuchilika chakwanuka kufwa chenyi.
Kuhituluka
-
Uno kufwelela Yesu chalumbununa ika?
-
Nausolola ngachilihi ngwove wasakwilila Yehova naYesu havyuma vakulingila?
-
Mwomwo ika chapwila chachilemu kupwanga kuchilika chaKwanuka Kufwa chaKulishitu?
WANA VYAVIVULU
Uno kufwa chaKulishitu chatukunyula tulinge ika?
Linangule vyavivulu kutalisa kulufwelelo nomwo unahase kulusolola.
“Fwelelenunga Jishiko jaYehova” (Kaposhi Kakutalila, October 2016)
Wana omwo pwevo umwe alumwine kuyoya chenyi hanyima yakutachikiza kulema chawana atuhana Kulishitu, muchihande chakwamba ngwavo, “Nguli Jino naVilinga Vitoma Nakupwa Wakuwahilila.”
“Mbimbiliya Yeji Kwalumunanga Kuyoya chaVatu” (Chihande chamuKaposhi Kakutalila)
Wana ovyo vatu vavandende kaha veji kulilanga kuvifwanyisa hachilika chaKwanuka Kufwa chaMwata.
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
