CHILONGESA 33
Vyuma Naukatesamo Wangana waKalunga
Wangana waKalunga uli lyehi nakuyulila mwilu. Kaha kalinwomu uwahise vyuma hano hamavu. Tushimutwile havyuma vyamwaza naukalinga Wangana waKalunga vize watela kutalilila.
1. Uno Wangana waKalunga naukaneha ngachilihi kuunda nachiyulo hano hamavu?
Yesu uze apwa Mwangana waWangana waKalunga, mwakanongesa vatu vavapi najifulumende javatu hajita yaAlamangetone. (Kusoloka 16:14, 16) Halwola kana hakiko nalukatesamo lushiko lwamuMbimbiliya lwakwamba ngwavo: “Kunasale kashimbu kakandende kaha, vaka-kuhuka kaveshi kupwako chekako.” (Samu 37:10) Yesu mwakazachisa Wangana kana mangana akanehe kuunda nachiyulo hano hamavu.—Tanga Isaya 11:4.
2. Chiyoyelo nachikapwa ngachilihi omu mwaya muchima waKalunga namukalingiwa hamavu?
Muchiyulo chaWangana waKalunga “vaka-kwoloka navakaheta mavu, kaha navakatwamangaho haya myaka yosena.” (Samu 37:29) Achishinganyeke kukatwama mukaye muze namukapwa kaha vaka-kwoloka, kaha nawa vosena vazanga Yehova nakulizanga navakwavo. Kakweshi mutu mwakavizako, kaha nawa vosena navakayoya haya myaka.
3. Vyuma muka naukatesamo Wangana waKalunga hanyima yakunongesa vaka-kuhuka?
Omu vaka-kuhuka navakavanongesa, Yesu mwakayula mwaMwangana hamyaka 1,000. Halwola kana Yesu navaze 144,000 vaze mwakayula navo navakakafwa vatu hano hamavu vakapwe vakukupuka vakuhona shili. Omu nayikakuma yize myaka 1,000 mavu nawakapwa palachise yamwaza kaha vatu vosena navakapwa vakuwahilila mwomwo yakukavangiza jishimbi jaYehova. Kufumaho Yesu mwakakindulwisa cheka chiyulo kuli ise Yehova. Hakiko jino lijina lyaYehova ‘navakalilingisa kupwa lyajila’ hamavu hosena. (Mateu 6:9, 10) Ngocho vatu navakamona jino ngwavo Yehova ikiye Muka-kuyula wamwenemwene uze eji kuzakamanga vatu jenyi. Yehova jino mwakanongesa Satana navandemone navatu vaze navakalikanga kuchiyulo chenyi. (Kusoloka 20:7-10) Vyuma vyamwaza vize naukalinga Wangana waKalunga navikelilanga haya myaka.
LINANGULE VYAKUJIMINYINA
Wana ovyo vyatulingisa tufwelele ngwetu, Kalunga mwakazachisa Wangana wenyi mangana akatesemo vyuma vyosena vize atushika muMbimbiliya.
4. Wangana waKalunga naukafumisako jifulumende javatu
Mbimbiliya ngwayo: “Mutu nashinyinyika mukwavo mutu mangana amuyanjise.” (Muka-kwambulula 8:9) Yehova mwakazachisa Wangana wenyi mangana akafumiseko ukalu veji kunehanga vatu kana.
Tangenu Ndanyele 2:44 naWavaka-Tesolonyika 2, 1:6-8, nakushimutwila havihula vino:
-
Vyuma muka mwakalinga Yehova naMwanenyi Yesu, kujifulumende javatu navaka-kujikundwiza?
-
Uno vyuma unalinangula hali Yehova naYesu, vinakukafwe ngachilihi umone ngwove chiyulo chavo nachikapwa chamwaza?
5. Yesu apwa Mwangana wamwenemwene
Hakuwana nge Yesu apwa Mwangana waWangana waKalunga, ngocho mwakalinga vyuma vyavivulu vize navikakafwa vatu vaze mwakayula hano hamavu. Talenu VINDIYO yize nayisolola omwo Yesu asolwele ngwenyi atwama namuchima wakusaka kukafwa vatu, kaha nawa Kalunga amuhana ngolo jakulinga ngocho.
Omu Yesu apwile hano hamavu, alingile vyuma vize vyatukafwa tutachikize vyuma naukatulingila Wangana waKalunga. Havyuma evi vanasoneka, vimwe vilihi uli nakutalilila? Tangenu visoneka vanenyikilako vize vili nakuhanjika havyuma kana.
|
OMU YESU APWILE HANO HAMAVU . . . |
OMU YESU MWAKAYULA MAVU OKU ALI MWILU . . . |
|---|---|
|
|
|
|
|
|
|
|
6. Wangana waKalunga naukalinga vyuma vyamwaza kulutwe
Wangana waKalunga naukatesamo vyuma ajinyine Yehova kulingila vatu hakavanga. Vatu navakayoya haya myaka mupalachise hamavu. Talenu VINDIYO yize yasolola omwo Yehova mwakazachisa Mwanenyi Yesu mangana akatesemo vyuma ajinyine hakavanga.
Tangenu Samu 145:16, nakushimutwila hachihula chino:
-
Uli nakwivwa ngachilihi hakutachikiza ngwove, Yehova “mwakekuchisa vyuma vyakuyoya vyosena”?
VATU VAMWE NGWAVO: “Nge tuvosena natuzachila hamwe, kaha natukumisa ukalu uli muno mukaye.”
-
Ukalu muka uze Wangana waKalunga naukakumisa, uze jifulumende javatu kajeshi kuhasa kukumisako?
CHISHINA UNALINANGULA
Wangana waKalunga naukaneha palachise hamavu muze namukapwa vatu vamichima yamwaza vaze navakalemesanga Yehova haya myaka.
Kuhituluka
-
Uno Wangana waKalunga naukajilika ngachilihi lijina lyaYehova?
-
Vyuma muka navitulingisa tufwelele ngwetu Wangana waKalunga naukatesamo vyuma vatushika muMbimbiliya?
-
Vyuma muka naukatesamo Wangana waKalunga vize uli nakutalilila?
WANA VYAVIVULU
Wana ulumbunwiso walizu Alamangetone.
“Uno Alamangetone Yapwa Ika?” (Chihande chili ha jw.org/lue)
Wana vyuma navikasoloka mumyaka 1,000 yachiyulo chaYesu nakusongo yamyaka kana.
“Vyuma Muka Navikasoloka haLikumbi lyaKusopesa?” (Kaposhi Kakutalila, October 1, 2012)
Wana omwo tanga yinahase kushinganyekela chimweza havyuma navakalivwisa kuwaha mupalachise.
Muchihande chakwamba ngwavo: “Ngwapwile naVihula Vyavivulu,” nawivwa omwo muka-kulikanga kufulumende awanyine vyuma apwile nakutonda.
“Mbimbiliya Yeji Kwalumunanga Kuyoya chaVatu” (Chihande chamuKaposhi Kakutalila)
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
