CHILONGESA 48
Sakulanga Kanawa Masepa
Masepa jetu vanahase kutulingisa tupwenga tuvakuwahilila mulwola lwamwaza nakutukolezeza mulwola lwalukalu. Oloze Mbimbiliya yatuhuhumuna ngwayo keshi nge vatu vosena vanahase kupwa masepa vamwenemweneko. Jino nausakula ngachilihi masepa vamwenemwene? Tushimutwile havihula vino:
1. Uno masepa nausakula navakulingisa upwenga navilinga muka?
Nge natulikata chikuma navatu meso nameso chipwe hamakina, kaha tunahase kuputuka kulondezeza vilinga vyavo navishinganyeka vyavo. Mbimbiliya ngwayo, “ou mwatambuka navaka-mangana mwakapwa muka-mangana, oloze ou mwalikatanga naviheu [vatu vaze kavazanga Yehovako] mwakamona lupi.” (Vishimo 13:20) Masepa vaze vazanga Yehova nakumulemesa, navakukafwa utwaleho kupandama kuli ikiye nakukukafwa nawa usakulenga kanawa vyakulinga. Oloze masepa vaze kavazanga Yehovako vanahase kukulingisa usosoloke kuli ikiye. Evi vikiko Mbimbiliya yatukolezezela tusakulenga kanawa masepa. Nge natupwa namasepa vaze vazanga Kalunga, natulikafwa tupwenga navilinga vyamwaza. Kaha nawa ‘natulikolezezanga navakwetu, nakulitunganga nawa navakwetu.’—Wavaka-Tesolonyika 1, 5:11.
2. Uno Yehova eji kwivwanga ngachilihi hamasepa nausakula?
Yehova eji kusakulanga kanawa masepa jenyi. “Apwa sepa lyavaka-kusungama.” (Vishimo 3:32) Uno Yehova mwevwa ngachilihi nge natusakula masepa vaze kavamuzangako? Mwevwa kupihya chikuma. (Tanga WaYakova 4:4.) Oloze mwevwa kuwaha nakutwitavila tupwenga tumasepa jenyi kachi nge natupandama kuli ikiye nakuli vaze vamuzanga, nakuhunga vatu vavapi.—Samu 15:1-4.
LINANGULE VYAKUJIMINYINA
Wana ovyo kusakula kanawa masepa chapwila chachilemu nomwo nawa kupwa namasepa vamwenemwene chinahase kukukafwa mukuyoya chove.
3. Zangama kuchina nausakula masepa vavapi
Vatu vaze kavazanga Kalunga najishimbi jenyiko vapwa masepa vavapi. Talenu VINDIYO, nakushimutwila hachihula chinakavangizaho.
-
Tunahase kuputuka ngachilihi kulikata navatu vavapi chakuzeneka kutachikiza?
Tangenu Wavaka-Kolinde 1, 15:33, nakushimutwila havihula vino:
-
Uno mutu wakufwana ngachilihi uze apwa wamupi kulikata nenyi? Mwomwo ika?
Tangenu Samu 119:63, nakushimutwila hachihula chino:
-
Uno unahase kutachikiza ngachilihi mutu wakutamo kulikata nenyi usepa?
Muhako umwe wakupola unahase kwenyeka mihako yikwavo. Uno kupwa nasepa umwe wamupi nachikwenyeka tahi?
4. Tunahase kulikata usepa navatu vaze katwesekele navo hamweko
Mbimbiliya yavuluka malunga vavali vamuIsalele yakushikulu, Ndavichi naYonatane, vaze valihandunwine mumyaka yakusemuka nachiyoyelo. Oloze vapwile nausepa wakukola. Tangenu Samwele 1, 18:1, nakushimutwila hachihula chino:
-
Mwomwo ika kachasakiwila kweseka hamwe namutu numba ulikate nenyi usepako?
Tangenu Wavaka-Loma 1:11, 12, nakushimutwila hachihula chino:
-
Uno vasepa namutu vaze vazanga Yehova veji kulikolezezanga ngachilihi?
Muvindiyo yino, tala omwo ndumbwetu wamukweze atungile masepa nakuvihela vyeka. Talenu VINDIYO, nakushimutwila havihula vinakavangizaho.
-
Kweseka navindiyo, mwomwo ika visemi jaAkil valizakaminyine hamasepa jenyi vakushikola?
-
Vyuma muka vyamulingishile hakavanga ashinganyeke ngwenyi vapwile masepa vamwenemwene?
-
Vyuma muka vyamukafwile echenga kwivwa uli?
5. Mwakupwila namasepa vamwenemwene
Wana mwakuwanyina masepa vamwenemwene namwakupwila sepa wamwenemwene. Talenu VINDIYO.
Tangenu Vishimo 18:24 na 27:17, nakushimutwila havihula vino:
-
Uno masepa vamwenemwene veji kulikafwanga ngachilihi?
-
Uno watwama namasepa vakufwana ngana tahi? Nge chiku, vyuma muka watela kulinga mangana upwenga navo?
Tangenu Wavaka-Fwilipi 2:4, nakushimutwila hachihula chino:
-
Nauhasa kupwa ngachilihi usepa wamwenemwene mangana uwane masepa vamwenemwene?
Hakusaka uwane masepa vamwenemwene, watela kupwa usepa wamwenemwene
VATU VAMWE NGWAVO: “Chinawahe kulikata nakala mutu kuhambakana kutwama chakuzeneka kupwa nasepa.”
-
Ove washinganyeka muka?
CHISHINA UNALINANGULA
Nge natusakulanga kanawa masepa, kaha natwivwisa Yehova kuwaha nakupwa nachiyoyelo chamwaza.
Kuhituluka
-
Mwomwo ika Yehova asakila tusakulenga kanawa masepa?
-
Vatu muka vaze kavatela kupwa masepa jetuko?
-
Unahase kutunga ngachilihi usepa wakukola navatu vaze vazanga Yehova?
WANA VYAVIVULU
Wana omwo masepa vamwenemwene vanahase kukukafwa mulwola lwalukalu.
“Tungenu Usepa Wakukola Shimbu Kanda Kukuma Chizenga” (Kaposhi Kakutalila, November 2019)
Wana vyuma watela kulinga mangana upwenga namasepa vamwenemwene.
“Nanguhasa Ngachilihi Kutunga Masepa Vamwenemwene?” (Questions Young People Ask—Answers That Work, Volyumu 1, kapetulu 8)
Vyuma muka watela kutachikiza hamasepa vakuwanyina haInternet?
Pwenunga Vakuvanguluka Hakulituminanga Mijimbu haMakina (4:12)
Tala chihande chakwamba ngwavo, “Ngwasakile Kupwa naTata,” mangana uwane chuma chalingishile lunga umwe asakule masepa veka.
“Mbimbiliya Yeji Kwalumunanga Kuyoya chaVatu” (Kaposhi Kakutalila, April 1, 2012)
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
