CHILONGESA 55
Kafwa Chikungulwilo Watwamamo
Mukaye kosena, vatu vavavulu veji kuzachilanga Yehova nakuwahilila muvikungulwilo vyakulisezaseza vyavivulu. Veji kusakwililanga liuka lyaYehova hakuvahana jindongi nahakuvatwaminyina. Kaha veji kukafwanga chikungulwilo mujijila jakulisezaseza. Uno omu mukiko wafwila kulinga nayove muchikungulwilo tahi?
1. Mujijila muka jimwe unahase kuzachishilamo lwola lwove nangolo jove mangana ukafwe chikungulwilo?
Tuvosena tunahase kukafwa chikungulwilo. Chakutalilaho, kutala muchikungulwilo muliko tushinakaji chipwe vaze vaviza tahi? Kutala unahase kuvakafwa mwakutambukila vayenga kukukunguluka tahi? Kutala unahase kuya nakuvalanjilako vyuma vali nakusaka chipwe kuvawahishila muzuvo chipwe kuvakafwa mujijila jeka tahi? (Tanga WaYakova 1:27.) Tunahase nawa kulisuula kutomesa Zuvo yaWangana nakuyiwahisa. Kakweshi mutu eji kutushinjilanga tulinge vyuma kanako. Oloze kuzanga Kalunga navandumbwetu, chikiko cheji kutulingisanga ‘tulihane.’—Samu 110:3.
Vinjiho vakumbapachisa vanahase kukafwa chikungulwilo mujijila jeka. Vandumbwetu vamalunga vaze vanatesamo vyuma vyakushipilitu vanahase kuvatongola kupwa vaka-kuzachila, kaha kutwala muze vanahase kuvatongola vapwenga vakulwane muchikungulwilo. Vandumbwetu vamalunga navava vamapwevo vanahase kutohwesa mulimo wavo wakwambulula mujimbu hakuzata upayiniya. Vinjiho vamwe vanahase kukafwa kuzata mulimo wakutunga vihela vyakulemesela Kalunga chipwe kuya nakuzachila kuchikungulwilo chize chili nakusakiwa kukafwa.
2. Uno tunahase kuzachisa ngachilihi vikumba vyetu mangana tukafwe chikungulwilo?
Tunahase ‘kuvumbika Yehova naluheto lwetu.’ (Vishimo 3:9) Twapwa vakuwahilila hakuhana jimbongo jetu naluheto lwetu mangana tukafwe chikungulwilo nakukundwiza mulimo wakwambulula wamukaye kosena. (Tanga Wavaka-Kolinde 2, 9:7.) Wana tweji kuhananga weji kuzatanga nawa mulimo wakukafwa vaze vali muukalu. Vavavulu vasakula ‘kulamangako vimwe’ mangana vavihanenga kupwa wana. (Tanga Wavaka-Kolinde 1, 16:2.) Tunahase kuhana wana muvikasha vyatwama muvihela vyetu vyakulemesela Kalunga chipwe kuzachisa Internet haze vanasoneka ngwavo donate.pr418.com. Tunahase kusolola ngwetu twazanga Yehova hakuzachisa jimbongo jetu navikumba vyetu mangana tukafwe chikungulwilo.
LINANGULE VYAKUJIMINYINA
Wana jijila jimwe jize unahase kukafwilamo chikungulwilo.
3. Tunahase kuzachisa vikumba vyetu
Yehova naYesu vazanga muka-kuhana nakuwahilila. Chakutalilaho, Yesu asangejekele tuliwe wakuhutwa uze alisuwile kuhana wana kuli Yehova. Tangenu Luka 21:1-4, nakushimutwila havihula vino:
-
Uno twatela kuhana wana wauvulu numba Yehova asuuluke tahi?
-
Uno Yehova naYesu veji kwivwanga ngachilihi omu tweji kulisuulanga kuhana wana?
Hakusaka kutachikiza omwo veji kuzachisanga mawana tweji kuhananga, talenu VINDIYO. Kufumaho shimutwilenu hachihula chino:
-
Uno mawana tweji kuhananga veji kuwazachisanga ngachilihi mangana akafwe vikungulwilo mukaye kosena?
4. Tunahase kulisuula kukafwa chikungulwilo
Kushikulu vaka-kulemesa Yehova valisuwilenga kuwahisa vihela vyakumulemesela. Oloze echi kachasakiwile kuhana kaha jimbongoko. Tangenu Mijimbu 2, 34:9-11, nakushimutwila hachihula chino:
-
Uno vaIsalele vosena vakundwijilenga ngachilihi mulimo wakuzakama zuvo yaYehova chipwe ngwetu chihela chakumulemesela?
Hakusaka kumona omwo Vinjiho jaYehova veji kukavangizanga echi chakutalilaho chamuMbimbiliya, talenu VINDIYO. Kufumaho shimutwilenu havihula vino:
-
Mwomwo ika chapwila chachilemu kulamanga Zuvo yetu yaWangana kupwa yaunyoji nakuyiwahisanga?
-
Jijila muka unahase kukafwilamo chikungulwilo?
5. Vandumbwetu vamalunga vanahase kukilikita vatengamo kuzata milimo yayivulu
Visoneka vyakolezeza vaka-Kulishitu vamalunga vakilikite mangana vatengamo kuzata milimo yize nayikafwa chikungulwilo. Hakusaka kumona chakutalilaho, talenu VINDIYO. Kufumaho shimutwilenu hachihula chinakavangizaho.
-
Kweseka navindiyo vyuma muka alingile Ryan mangana akafwe chikuma chikungulwilo?
Mbimbiliya yalumbununa vyuma vatela kutesamo vandumbwetu vamalunga numba vatengamo kuvatongola kupwa vaka-kuzachila navakulwane. Tangenu WaChimoteu 1, 3:1-13, nakushimutwila havihula vino:
MUTU NAHASE KUHULISA NGWENYI: “Uno jimbongo veji kuzachisanga Vinjiho jaYehova veji kujiwananga kulihi?”
-
Uno naumukumbulula ngachilihi?
CHISHINA UNALINANGULA
Yehova eji kwivwanga kuwaha omu tweji kulisuulanga kuzachisa lwola lwetu nangolo jetu navikumba vyetu mangana tukafwe chikungulwilo.
Kuhituluka
-
Uno tunahase kuzachisa ngachilihi lwola lwetu nangolo jetu mangana tukafwe chikungulwilo?
-
Uno tunahase kuzachisa ngachilihi vikumba vyetu mangana tukafwe chikungulwilo?
-
Mujijila muka unahase kukafwilamo chikungulwilo?
WANA VYAVIVULU
Wana ovyo Kalunga echela kulweza vaka-kumulemesa kuhananga vyakusokesa mulikumi.
Uno ‘kusaka’ kuzata mulimo wamwenemwene muchikungulwilo chalumbununa ika?
“Kutala Muli ‘Nakusaka’ Kuzata ‘Mulimo Wamwenemwene’ Tahi?” (Kaposhi Kakutalila, September 15, 2014)
Tala Vinjiho vakumika vaze veji kulisuulanga kutwala mikanda kuli vandumbwavo.
Wana omwo twalihandununa namauka eka akwitava mujila liuka lyetu lyeji kuhanyinangamo jimbongo jakukundwiza kumulimo wetu.
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
