Ngunatemo Tahi?
Ngunatemo Kwambulwila Hamwe naChikungulwilo Tahi?
Nautamo kupwa umuka-kwambulula wakuzeneka kumbapachisa kachi nge . . .
Naulinangulanga Mbimbiliya shimbu yosena, nakulomba nakupwanga kukukunguluka chachikungulwilo.
Nauzanga vyuma uli nakulinangula nakuvifwelela nakufwila kuvinangula vakwenu.
Nauzanga Yehova nakusakula masepa vaze vamuzanga.
Nawecha kulikata nakala liuka lize lyakundwiza vihande vyamapolitiki chipwe kwitava chamakuli.
Naukavangizanga jishimbi jaYehova nakusaka kupwa uChinjiho chaYehova.
Nge unamono ngwove unatemo kwambulwila hamwe nachikungulwilo, kaha muka-kukunangula Mbimbiliya mwalongesa vyuma mangana ushimutwile navakulwane havyuma navikukafwa utengamo.
Ngunatemo Kungumbapachisa Tahi?
Nautamo kukumbapachisa kachi nge . . .
Wapwa umuka-kwambulula wakuzeneka kumbapachisa.
Weji kuzatanga mulimo wakwambulula kweseka noho hakumina ngolo jove.
Weji kukundwizanga “ndungo wakushishika wakuzangama” nakukavangiza vyuma eji kutulwezanga.—Mateu 24:45-47.
Unalihane kuli Yehova kuhichila mukulomba nakufwila kumuzachilanga haya myaka.
Nge unamono ngwove unatemo kukumbapachisa, kaha muka-kukunangula Mbimbiliya mwalongesa vyuma mangana ushimutwile navakulwane havyuma navikukafwa utengamo.
