Vyuma navikukafwa wivwishise vino vilongesa vinakuhanjika haMbimbiliya
Vangila kuhituluka vyuma vili halifwo 2 na 3, kufumaho tala VINDIYO.
CHIHANDA CHATETE
Hakuliwahisa vyachilongesa chosena, tanga chihanda chatete. Vihula vize vili muulombo ulava (A) navisoneka (B) vili nakushindakanya vishina vyavinene. Muli navisoneka vanambe ngwavo “tanga.”
CHIHANDA CHAMUCHIVALI
Mazu ali mwishi (C) yaLinangule Vyakujiminyina ali nakulumbununa vyuma naulinangula. Tumitwe twatundende (D) tunajimbula vishina vili mujipalangalafu. Tanga visoneka namuka-kukunangula, nakukumbulula vihula nakutala jivindiyo.
JIVINDIYO naMAZU AKUKOPA vili muno mumukanda navikukafwa wivwishise kanawa vishina. Jivindiyo jimwe jili nakusolola mijimbu yivene. Jeka jili nakusolola kaha vyuma vyasolokele keshi mijimbu yivene chipwe vatu vavene vapwilemoko.
Tala mivwimbimbi namazu akuyilumbununa (E), nakushinganyeka nawa mwakukumbulwila vatu vaze navahanjika vyuma vize vanasoneka haze vanambe ngwavo Vatu Vamwe Ngwavo (F).
CHIHANDA CHAMUCHITATU
Chishina Unalinangula naKuhituluka (G) vikiko vinakukulula chilongesa. Soneka likumbi unakumisa chilongesa. Haze vanasoneka ngwavo Chuma watela kulinga (H), hali vyuma watela kulitomena kulinga. Haze vanasoneka ngwavo Wana Vyavivulu (I) hali mijimbu yeka unahase kutanga najivindiyo jeka unahase kutala.
Vyuma Vilimo
|
Chihanda 2 
|
Chihanda 3 
|
Chihanda 4 
|
Vinyikilo vyakusongo |
Mwakuwanyina visoneka vyamuMbimbiliya
MuMbimbiliya mwatwama mikanda 66. Mikanda kana vayihandununa muvihanda vivali: Visoneka VyachiHepeleu nachiAlamayiki (“Tesetamende Yamwaka”) naVisoneka VyachiHelase (“Tesetamende Yayihya”).
Visoneka vanenyikila mumukanda uno, vili nakukulweza mukanda wamuMbimbiliya (A), nakapetulu (B), navesi chipwe jivesi (C).
Chakutalilaho, chisoneka chaYowano 17:3 chili nakwinyikilako mukanda waYowano, kapetulu 17, vesi 3.
Pamo Nauzanga Nawa
VIHULA VEJI KWIHULANGA KUSWAKUMWE
Vinjiho jaYehova Vali Nakuzachisa Jila Muka haKunangula Vatu Mbimbiliya?
Omu mulinangula Mbimbiliya naVinjiho jaYehova, unahase kuzachisa kala Mbimbiliya unasake. Unahase kusanyikako tanga yove yosena chipwe masepa jove mangana vaminangwile hamwe.
