Mbimbiliya yavuluka chatete vyuma vyakutenga tweji kumonanga, kaha yatukafwa tumone kuwaha chavyuma vyosena vize atenga Yehova mwilu nahamavu. Nge wapwa uchisemi, kaha kafwa mwanove amone vyuma vyakutenga vyakulisezaseza. Mulweze atachikize ngwenyi Kalunga atengele vatu mujila yakulihandununa natunyama. Vatu vatwama nauhashi wakuhanjika, nakushinganyeka, nakutunga vyuma, nakwimba, nakulomba. Ngocho twatela kusakwilila Yehova hangolo jenyi, namangana enyi, chikumanyi hazangi atwama nayo havyuma vyakutenga vyosena kuhakilako nayetu vatu.