Kujimbula Chihanda 12
Yesu anangwilenga vatu vyaWangana wamelu. Avanangwilenga nawa valombenga ngwavo, lijina lyaKalunga lipwenga lyajila, Wangana wenyi wizenga, kaha mwaya muchima wenyi mulingiwe hano hamavu. Nge wapwa uchisemi kaha lumbunwina mwanove atachikize omu kulomba kana chakwata hali etu. Yesu kechelele Satana amuhonese kulama kulonga chenyiko. Yesu asakwile vaposetolo jenyi, vaze vejile nakupwa vatete muWangana waKalunga. Lumbununa nawa ngwove Yesu apwile natwima hakukundwiza kulemesa chamuchano. Hakuwana nge Yesu asakile kukafwa vatu, ngocho okilenga vaveji, nakulisa vaze vapwile nazala, nakusangula vatu vamwe vaze vafwile. Hakulinga vyuma vyakukomwesa vyosenevi asolwele hatoma vyuma mwakalingila vatu muWangana.
MUCHIHANDA CHINO
CHILONGESA 74
Yesu Mwapwa Meshiya
Uno Yowano alumbunwine ika hakwamba ngwenyi Yesu apwile Mwanamukoko waKalunga?
CHILONGESA 75
Liyavolo Mweseka Yesu
Liyavolo esekele Yesu mapapa katatu. Vyeseko muka vitatu vize Satana esekele Yesu? Uno Yesu akumbulwile ngachilihi Liyavolo?
CHILONGESA 76
Yesu Mwatomesa muTembele
Mwomwo ika Yesu akatumwine jimesa javaka-kutambasana jimbongo?
CHILONGESA 77
Pwevo haLishima
Mwomwo ika pwevo wakaSamaliya alikomokelele omu Yesu ahanjikile nenyi? Yesu alwezele pwevo wakaSamaliya mazu muka aze kalwezele mutu numba umweko?
CHILONGESA 78
Yesu Mwambulula Mujimbu waWangana
Yesu mwasanyika tumbaji twenyi vamwe vaze vejile nakupwa jino “vaka-kuta vatu.” Kufumaho, anangwile tumbaji veka 70, nakuvatuma vakambulule mujimbu wamwaza.
CHILONGESA 79
Yesu Mwalinga Vyakukomwesa Vyavivulu
Vatu vakavangijilenga Yesu kweshoko ayilenga, kaha vaveji vayilenga kuli ikiye mangana avakafwe, ngocho avokilenga. Kaha asangwile namwana Yailu wapwevo.
CHILONGESA 80
Yesu Mwasakula Vaposetolo 12
Mwomwo ika Yesu asakwililile vaposetolo 12? Uno unakwanuka majina avo tahi?
CHILONGESA 81
Chihande ChahaPili
Yesu anangwile vatu vavavulu vaze valikungulwile chishina chachilemu.
CHILONGESA 82
Yesu Mwanangula Tumbaji Twenyi Mwakulombela
Uno Yesu anangwile tumbaji twenyi vatwaleho lika kulomba havyuma muka?
CHILONGESA 84
Yesu Mwatambuka haMeya
Uno unatachikiza omu vevwile vaposetolo hakumona Yesu mwalinga echi chakukomwesa tahi?
CHILONGESA 86
Yesu Mwasangula Lazalu
Omu Yesu amwene Maliya ali nakulila, naikiye aputukile kulila. Chipwe ngocho kulila chavo chapwile jino chakuwahilila.
