CHILONGESA 76
Yesu Mwatomesa muTembele
Mumwaka wa 30 C.E., kuchivatuko chavula, Yesu ayile kuYelusalema. Kaha vatu vavavulu vayile kunganda kuchiwanyino chaPaseka. Kuchilika kanechi, vatu vahanyinenga mawana avimuna. Vamwe vayilenga navimuna javo muYelusalema, oloze veka valanjilenga vimuna munganda kana.
Omu Yesu engilile mutembele, awanyinemo vatu vali nakulanjisa vimuna. Vapwile nakusekasanyina muzuvo yakulemesela Yehova. Chuma kana chevwishile Yesu kupihya chikuma. Kaha anyotele chikote chamikole, ahangile mikoko navangombe mutembele. Akatumwine jimesa javaka-kutambasana jimbongo nakumwangila jimbongo javo jachichele hamavu. Kufumaho, Yesu alwezele vaze vapwile nakulanjisa mayembe ngwenyi: ‘Fumisenu vyumevi muno. Kamwatela kulingisa zuvo yaTata kupwa chihela chakusekasanyinako.’
Vatu vaze vamwene vyuma alingile Yesu valikomokelele chikuma. Kaha tumbaji twenyi vanukile upolofweto uze wahanjika hali Meshiya wakwamba ngwavo: ‘Nangukapwa natwima hazuvo yaYehova.’
Kuheta mumwaka wa 33 C.E.,Yesu atomesele cheka tembele. Kasakile vatu vasaule zuvo yaIseko.
“Kamweshi kuhasa kuzachila Kalunga naLuheto hamweko.”—Luka 16:13
Pamo Nauzanga Nawa
YESU—IKIYE JILA, IKIYE MUCHANO, IKIYE KUYOYA
Yesu Mwasolola Twima Apwile Nayo haKulemesa chaMuchano
Jishimbi jaKalunga jetavishile vatu kulanda vimuna muYelusalema mangana vahane wana, kaha mwomwo ika Yesu apihililile navaka-kusekasana mutembele?
