Kujimbula Chihanda 14
Vaka-Kulishitu vakulivanga vatandakanyishile mujimbu wamwaza waWangana kuvihela vyakwakusuku vyahamavu. Yesu avalwezele kuvihela vyakwambulwila, nakuvakafwa vanangule vatu mumalimi avo mujila yakukomwesa. Yehova avakafwile vapwenga vakumika nakuvahana ngolo vomike hakumona luyanjisa.
Yesu amwenesele kaposetolo Yowano upahu waYehova muchakumwenesa. Kaha muchakumwenesa chikwavo Yowano amwene Wangana wamwilu unafungulula Satana nachiyulo chenyi haya myaka yosena. Yowano amwene Yesu ali nakuyula hamwe navatu 144,000. Kaha amwene nawa, mavu osena anapu palachise muze muli vatu vali nakulemesa Yehova mukuunda namukulinunga.
MUCHIHANDA CHINO
CHILONGESA 94
Tumbaji Navatambula Shipilitu Yajila
Shipilitu yajila yahanyine tumbaji ngolo muka jakukomwesa?
CHILONGESA 95
Kakwapwile Chuma Chakuvahonesako
Vatwamina vamukwitava vaze vajihile Yesu, vasakile kukanyisa tumbaji kwambulula. Oloze kavahashileko.
CHILONGESA 96
Yesu Mwasakula Saulu
Saulu apwile muka-kole wavaka-Kulishitu, oloze vyuma vyalumukile.
CHILONGESA 97
Kolonelyu Mwatambula Shipilitu Yajila
Mwomwo ika Kalunga atumine Petulu kuzuvo yamutu uze kapwile kaYuleyako?
CHILONGESA 98
Kwitava chaVaka-Kulishitu Nachitanda kuMafuchi Amavulu
Kaposetolo Paulu namasepa jenyi vaze azachilenga navo mulimo waumishonali vaputukile kwambulwila kuvihela vyakwakusuku.
CHILONGESA 99
Muka-kulama kuKamenga Mwalinangula Muchano
Mwomwo ika vanavulukila ndemone, namundenda, napoko yamukwale muchilongesa chino?
CHILONGESA 100
Paulu, naChimoteu
Ava malunga vapwile vaka-kuzachila hamwe, kaha nawa vatungile usepa wamwanene, ngocho vazachililile hamwe hamyaka yayivulu.
CHILONGESA 101
Paulu Navamutuma kuLoma
Numba tuhu ungeji waPaulu wapwile muponde, oloze kakwapwile ukalu numba umwe wamuhoneseleko.
CHILONGESA 102
Vyakumwenesa Vamwenesele Yowano
Yesu mwamwenesa Yowano vyakumwenesa vize navikasoloka kulutwe.
CHILONGESA 103
“Wangana Wove Wizenga”
Vyakumwenesa vize vamwenesele Yowano vyasolola omu Wangana waKalunga naukalumuna kuyoya hano hamavu.
