Kujimbula Chihanda 2
Mwomwo ika Yehova anehelele livaji lize lyanongesele kaye kunyima? Kushikulu Satana alikangile kuli Yehova, kaha vatu vakufwana nge Alama, naEve, namwanavo Kena vakundwijile Satana. Kaha nawa vatu vakufwana nge Avele naNowa vasakwile kupwa kusali yaYehova. Vatu vavavulu vapwile navilinga vyavipi, ngocho Yehova anongesele kaye kavatu vakuhuka. Echi chihanda nachitukafwa tutachikize ngwetu Yehova eji kumonanga vyuma natusakula kulinga kaha nawa keshi kukechelela upi ukafungulule kuwahako.
MUCHIHANDA CHINO
CHILONGESA 3
Alama naEve Valikangile Kuli Kalunga
Mwomwo ika mutondo umwe kaha hamitondo yosena yamumilemba yaEtene wapwile wakulipwila? Mwomwo ika Eve alililile muhako?
CHILONGESA 4
Muchima waMatoto Naulingisa Mutu Apwenga Chilyanyi
Kalunga etavilile wana waAvele nakukana wana waKena. Omu Kena atachikijile chuma kana, akwachile matoto nakulinga chuma chachipi.
CHILONGESA 5
Wato waNowa
Omu vangelo vejile hano hamavu nakumbata mapwevo, vasemene vana vamalunga vakutaluka vaze vapwile nakuyanjisa vatu. Ulyanyi walisalile hamavu. Oloze Nowa apwile navilinga vyamwaza—azangile Kalunga nakumwononoka.
CHILONGESA 6
Vatu 8 Navayovoka kuLivaji
Vula yanokele hamakumbi 40 musana naufuku. Nowa natanga yenyi vatwamine muwato lwola lwalusuku kuhambakana mwaka wamuundu. Kufumaho, Kalunga avalwezele valovoke muwato
