Kujimbula Chihanda 3
Omu mwahichile myaka kufuma haze lyakumine Livaji, Mbimbiliya yavuluka vatu vaze vazachililenga Yehova. Havatu kana hapwile naApalahama uze vavuluka ngwavo sepa lyaYehova. Mwomwo ika vamuvulukilile ngwavo sepa lyaYehova? Nge uchisemi kaha kafwa mwanove atachikize ngwenyi Yehova amuzanga kaha nawa ali nakufwila kumukafwa. Ngana muze alingile Apalahama namalunga veka vakushishika vakufwana nge Lote naYakova, nayetu nawa twatela kulomba kuli Yehova atukafwe. Kaha nawa natufwelela ngwetu Yehova mwakatesamo jishiko jenyi josena jize ashika.
MUCHIHANDA CHINO
CHILONGESA 7
Kaposhi kaMbavele
Vatu vajinyine kutunga nganda nakaposhi kaze nakaheta mwilu. Mwomwo ika Kalunga avalingishile vaputuke kuhanjika malimi akulisezaseza?
CHILONGESA 8
Apalahama naSala Vononokele Kalunga
Mwomwo ika Apalahama naSala vasezele chiyoyelo chavo chamwaza nakuya nakulumbwangila mulifuchi lyaKanane?
CHILONGESA 9
Navapwa Jino naMwana
Uno Kalunga ateselemo ngachilihi lushiko lwenyi luze ashikile Apalahama? Uno lushiko kana lwateselemo muli Isaka tahi, nyi muli Ishimele?
CHILONGESA 10
Anukenu Pwevo lyaLote
Kalunga anokesele vula yasulufulu nakakahya haSotome naNgomola. Mwomwo ika jinganda kana vajinongesele? Mwomwo ika twatela kwanukila pwevo lyaLote?
CHILONGESA 11
Lufwelelo lwaApalahama navalweseka
Kalunga alwezele Apalahama ngwenyi: ‘Mbata mwanove umwe kaha lyamunwe Isaka, ukamuhane kupwa wana wakulumba hapili kungalila yaMoliya.’ Uno vyuma muka alingile Apalahama hakweseka lufwelelo lwenyi?
CHILONGESA 12
Yakova Mwatambula Uswana
Isaka naLaveka vapwile navapasa vamalunga majina avo apwile Esau naYakova. Hakuwana nge Esau apwile twatwa, ngocho apwile nakutokwa chakutambula uswana wakulipwila. Mwomwo ika auhanyinyine?
CHILONGESA 13
Yakova naEsau Navatwama Jino Mukuunda
Yakova atambwile ngachilihi kisu kuli kangelo? Kaha Yakova atwamine ngachilihi mukuunda naEsau?
