Kujimbula Chihanda 7
Muchihanda chino vanavulukamo chikuma mijimbu yakuyoya chaMwangana Saulu naMwangana Ndavichi, yize yambachile myaka kafwe 80. Hakavanga, Saulu apwile wakulinyisa, kaha nawa evwilenga Kalunga woma, kutwala muze aputukile kulikanga nakulitwamina kukavangiza jindongi jaYehova. Ngocho, Yehova amukanyine, nakulweza Samwele ayenga nakuwavisa Ndavichi mangana akapwe mwangana wavaIsalele. Numba tuhu Saulu apwilenga nalwiso nakufwila chikuma kujiha Ndavichi, oloze Ndavichi kalingile sambanjingako. Yonatane mwanaSaulu walunga atachikijile ngwenyi Ndavichi vanamutongola kuli Yehova kaha afwililile kupwa wakushishika kuli Ndavichi. Numba tuhu Ndavichi alingile jishili jajinene, oloze kakanyine kuzangamisa chakufuma kuli Yehovako. Nge wapwa uchisemi, kaha kafwa mwanove atachikize omu chalema kukundwiza vyuma alongesa Kalunga.
MUCHIHANDA CHINO
CHILONGESA 39
Mwangana WavaIsalele Watete
Kalunga ahanyinenga vaIsalele vaka-kuyula mangana vavatwaminyine, oloze vakiko vasakile kupwa namwangana. Samwele awavishile Saulu kupwa mwangana watete. Kutwala muze, Yehova amukanyine. Mwomwo ika?
CHILONGESA 40
Ndavichi naNgolyate
Yehova mwatongola Ndavichi apwenga mwangana waIsalele wamuchivali, kaha Ndavichi asolwele nge apwile mwangana wamwenemwene.
CHILONGESA 41
Ndavichi naSaulu
Mwomwo ika umwe hali ava malunga vavali ajinjililile mukwavo, kaha uze vajinjile alingile ngachilihi?
CHILONGESA 42
Yonatane Apwile waKuhamuka Kaha Nawa waKushishika
Mwanamwangana walunga mwapwa sepa lyaNdavichi wamwenemwene.
CHILONGESA 43
Shili Alingile Mwangana Ndavichi
Kuhona kusakula kanawa vyakulinga cheji kunehanga ukalu.
