Yehova akiswile Solomone hakumuhana mangana, namulimo wakutunga tembele, oloze aputukile kuseza Yehova chindende chindende. Nge wapwa uchisemi, kaha lumbunwina kanawa mwanove omu vatu vamukwitava chamakuli vahungumwishile Solomone echenga kuzachila Kalunga. Wangana vaupangunwine havali kaha vamyangana vavilinga vyavipi vahungumwishile vaIsalele vamwe vaputuke kulemesa makombelo. Halwola kanelu, vapolofweto jaYehova vavayanjishilenga nakuvajiha. Yezevele uze apwile Lisano lyamwangana, ahungumwishile vatu vapwile muwangana wakunote valikange kuli Kalunga. Elu lwapwile lwola lwalukalu kuli vaIsalele. Chipwe ngocho, vaIsalele vamwe vakufwana nge mwangana Yehoshafwate nakapolofweto Elija vatwalileho lika kupwa vakushishika kuli Yehova.