Mbimbiliya Mwayimona Ngachilihi?
Mwayimona kupwa . . .
-
mukanda ukwechi vishinganyeka vyavatu tahi?
-
mukanda wavyuma vyamwaka navize valingile vyakutaka kaha tahi?
-
mukanda waMazu aKalunga tahi?
VYUMA YAHANJIKA MBIMBILIYA
“Visoneka vyosena vavihwima kuli Kalunga.”—WaChimoteu 2, 3:16, Mbimbiliya yaKaye Kakahya.
OMWO MUNAHASE KUNGANYALA
Nayikumbulula vihula vyenu vyavilemu vyamukuyoya.—Vishimo 2:1-5.
Nayimitwaminyina mukuyoya chenu.—Samu 119:105.
Nayimikafwa mupwenga nalutalililo.—Wavaka-Loma 15:4.
UNO TWATELA CHIKUPU KUFWELELA VYUMA YAHANJIKA MBIMBILIYA TAHI?
Eyo, mwomwo yavishina vino vitatu:
-
Yahanjika hamujimbu woumwe. Mbimbiliya vayisonekele kuvatu 40. Yambachile myaka 1,600 hakuyisoneka. Vaka-kuyisoneka vavavulu kavalijivileko. Oloze mukanda wosena watwama namujimbu umwe kaha namutwe wachihande umwe.
-
Yatwama navihande vyamuchano. Vaka-kusonejeka vyakushikulu vakukaye kakavulu veji kuswekanga tutenga twavatu javo. Oloze vaze vasonekele Mbimbiliya vasonekele tutenga twavo natuze twavatu javo.—Mijimbu 2, 36:15, 16; Samu 51:1-4.
-
Upolofweto wamuchano. Mbimbiliya yahanjikile chimweza vyakunongesa nganda yakushikulu yaMbavilone myaka 200 shimbu kanda vayinongese. (Isaya 13:17-22) Mbimbiliya yavulukile chimweza jila navakayinongeselamo namutu mwakayinongesa.—Isaya 45:1-3.
Naupolofweto weka wauvulu wamuMbimbiliya wateselemo kweseka nomu vauvulukile. Omu mukiko atela kupwa Mazu aKalunga, nyi mweka?—WaPetulu 2, 1:21.
VYUMA MUKA MWATELA KUSHINGANYEKAHO?
Uno Mazu aKalunga anahase kumikafwa ngachilihi mukuyoya chenu?
Mbimbiliya yakumbulula echi chihula hali ISAYA 48:17, 18 naWACHIMOTEU 2, 3:16, 17.
Pamo Nauzanga Nawa
KUKUMBULULA VIHULA VYAKUPANDAMA KUMBIMBILIYA
Vyuma Muka Navimikafwa Mwivwishise Mbimbiliya?
Chamokomoko nakwo mwafuma, munahase kwivwishisa Mbimbiliya.
ESSENTIAL BIBLE TEACHINGS
Uno Tunahase Kufwelela Ngachilihi Ngwetu Mbimbiliya Yapwa yaMuchano?
Kachi nge mwenya-Mbimbiliya apwa Kalunga, kaha yatela kulihandununa namikanda yeka yize vasoneka kuvatu.
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
VYAYETU
Lomba Vakutambukile
Shimutwilenu chihula chimwe chamuMbimbiliya chipwe kulinangula vyavivulu hali Vinjiho jaYehova.
