Kalunga asaka vatu valivwise kuwaha kuyoya hamavu. Atengele vyuma vyosena vyatwama hamavu mwomwo yakuzanga vatu. Kalinwomu awahise vyuma mangana vatu vatwame kanawa mukaye kosena. Mwakasokola vatu kukuyanda chosena.​—Tangenu Yelemiya 29:11.

Kakweshi fulumende yize yahasa kufumisako ukenya, misongo nakufwako. Oloze kuli mujimbu wamwaza. Kalinwomu vene ngana Kalunga mwafumisako jifulumende javatu josena nakuneha fulumende yenyi. Vatu navakayula kufulumende kaneyi, navakalivwisa kuwaha kutwama mukuunda nakupwa vakulikangula kumijimba.​—Tangenu Isaya 25:8; 33:24; Ndanyele 2:44.

Kuyanda nachikakuma omu Kalunga mwakafumisako vatu vakuhuka vosena. (Zefwanyiya 2:3) Uno vyuma kana navikasoloka lwola muka? Mazu aKalunga avulukile chimweza vyumevi vili nakuyanjisa vatu makumbi ano. Vyuma vyavipi vili nakusoloka mukaye makumbi ano vili nakusolola nge Kalunga kalinwomu awahise vyuma.​—Tangenu WaChimoteu 2, 3:1-5.

Twatela kulinangula vyaKalunga muMazu enyi, Mbimbiliya. Mbimbiliya yapwa nge himukanda uze vanatusonekela kuli chisemi chetu wazangi. Yeji kutulwezanga mwakuyoyela kanawa oholili chamokomoko naukalu tunakumona navyuma twatela kulinga mangana tukalivwise kuwaha chikuma kuyoya haya myaka yosena hano hamavu. Shikaho, vatu vamwe kaveshi kuwahililako hakumimona vali nakumikafwa mwivwishise kanawa Mbimbiliya. Oloze kanda kulitwamina kulinangulako, mangana mukapwe nakuyoya chahaya myaka yosena.​—Tangenu Vishimo 29:25; Kusoloka 14:6, 7.