Vyuma Muka Asaka Kalunga?
Kalunga asaka tutwame mukuunda nakulivwisa kuwaha mupalachise hano hamavu haya myaka yosena.
Pamo munahase kulihulisa ngwenu, ‘Uno chuma kana chinahase kukasoloka ngachilihi?’ Mbimbiliya yamba ngwayo Wangana waKalunga ukiko naukaneha vyuma kana. Ngocho Kalunga ali nakusaka vatu vosena valinangule vyaWangana kana nakwijiva vyuma mwakatulingila.—Samu 37:11, 29; Isaya 9:7.
Kalunga asaka tunganyale.
Setu wamwilu asaka tulivwise kuwaha haya myaka yosena, ngana mwachisemi wamwaza uze asaka vana venyi vayoyenga kanawa. (Isaya 48:17, 18) Ashika ngwenyi wose “eji kulinganga mwaya muchima waKalunga mwatwamanga haya myaka yosena.”—WaYowano 1, 2:17.
Kalunga asaka tutambukenga mujijila jenyi.
Mbimbiliya yamba ngwayo Tengi yetu asaka ‘kutulweza jijila jenyi’ mangana ‘tutambukenga mujijila jenyi.’ (Isaya 2:2, 3) Alweza “vatu valijina lyenyi” vavilikenga mukaye kosena vyuma ajina.—Vilinga 15:14.
Kalunga asaka tupwenga vakulinunga hamwe hakumulemesa.
Muchishishisa chakuhandununa vatu, kulemesa chamwenemwene cheji kununganga vatu hamwe mwomwo yazangi yamuchano vatwama nayo. (Yowano 13:35) Veya makumbi ano vali nakunangula malunga namapwevo kwosena mangana valinunge nakulemesela Kalunga hamwe? Tunamilombo mutange mbuloshuwa yino nakuwana muvanakumbulwila chihula chino.
Pamo Nauzanga Nawa
VYAYETU
Vyuma Muka Vyeji Kusolokanga haChilongesa chaMbimbiliya?
Mukaye kosena, Vinjiho jaYehova veji kulinangulanga navatu Mbimbiliya kuzachisa jila kaneyi. Talenu omu veji kulinangulanga.
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
