Kutala Chikupu Vafu Navakayoya Cheka Tahi?
Munashinganyeka ngwenu . . .
mukiko tahi?
nduma tahi?
pamo mukiko tahi?
VYUMA YAHANJIKA MBIMBILIYA
“Nakukapwa kusanguka.”—Vilinga 24:15, Visoneka vyaKaye Kakahya.
OMWO MUNAHASE KUNGANYALA
Kutachikiza muchano nachimivendejeka nge mwafwisa vatu mwazanga.—Wavaka-Kolinde 2, 1:3, 4.
Kamweshi kwivwa woma wakufwako.—WavaHepeleu 2:15.
Namupwa nalutalililo lwakukalimona cheka navatu mwazanga vaze vafwa.—Yowano 5:28, 29.
UNO TWATELA CHIKUPU KUFWELELA VYUMA YAHANJIKA MBIMBILIYA TAHI?
Eyo, mwomwo yavishina vino vitatu:
Kalunga apwa Tengi uze ahakako kuyoya. Mbimbiliya yavuluka Yehova Kalunga kupwa “kaselwoke wakuyoya.” (Samu 36:9; Vilinga 17:24, 25) Tengi uze ahanyine vyuma vyosena kuyoya akwechi ngolo jakuhana cheka kuyoya vatu vaze vafwa.
Kalunga asangwile vafu kushikulu. Mbimbiliya yavuluka vatu 8 vaze vasangwile kunyima. Havatu kana hapwile vanyike, navakulwane, mapwevo namalunga. Vamwe vafwile hatando yayindende kaha, oloze umwe apwile muchimbumbe makumbi awana.—Yowano 11:39-44.
Kalunga ali nakufwila kusangula cheka vafu. Yehova ahunga kufwa, ngachize achimona kupwa muka-kole. (Wavaka-Kolinde 1, 15:26) ‘Afwila’ kufumisako ou muka-kole kufwa, hakusangula vafu. Afwila kukasangula vaze vatwama muvishinganyeka vyenyi mangana vakayoye cheka hamavu.—Yopa 14:14, 15.
VYUMA MUKA MWATELA KUSHINGANYEKAHO?
Mwomwo ika tweji kushinakajiwanga nakufwa?
Mbimbiliya yakumbulula chihula kana hali KUPUTUKA 3:17-19 nahali WAVAKA-LOMA 5:12.
Pamo Nauzanga Nawa
ESSENTIAL BIBLE TEACHINGS
Vyuma Muka Vyeji Kusolokanga kuVafu?
Mbimbiliya yatufwelelesa ngwayo nakukapwa lwola luze navakasangula vatu vavavulu, ngana muze chapwile kuli Lazalu.
KUKUMBULULA VIHULA VYAKUPANDAMA KUMBIMBILIYA
Uno Kusanguka Chapwa Chika?
Munahase kulikomokela havatu vaze navakasanguka kulutwe.
KAPOSHI KAKUTALILA
Vyuma Muka Navimikafwa Mufwelele Ngwenu Vafu Navakasanguka?
Mbimbiliya yatuhana unjiho uvali uze watukafwa tufwelele ngwetu vafu navakasanguka.
VYAYETU
Mwomwo Ika Twatela Kulinangwila Mbimbiliya?
Mbimbiliya yinakukumbulula vihula vyavilemu vyavatu vavavulu mukaye. Kutala nayenu namusaka mbimbiliya yikumbulule vihula vyenu tahi?
