Jifulumende
Uno vaka-Kulishitu vamuchano veji kushishikanga nakwononoka kufulumende muka?
Talenu nawa Nda 7:13, 14
Mijimbu yamuMbimbiliya yize nayimikafwa:
Ji 89:18-29—Yehova atongola Mwangana wauMeshiya, nakumuhana ngolo jakuhambakana vaka-kuyula vosena
Kus 12:7-12—Kumaputukilo amakumbi akukuminyina, Mwangana wauMeshiya aputukile kuyula, kaha ambilile Satana hamavu kufuma mwilu
Mulimo muka vatwama nawo vaka-Kulishitu vawavisa kutalisa kuWangana waKalunga?
Vaka-Kulishitu veji kuvumbikanga vaka-kuyula vajifulumende jamukaye
Mwomwo ika tweji kukavangijilanga jishimbi jamulifuchi lyetu nakufweta mitelo?
Lom 13:1-7; Cht 3:1; 1Pe 2:13, 14
Talenu nawa Vil 25:8
Mijimbu yamuMbimbiliya yize nayimikafwa:
Mat 22:15-22—Yesu akumbulwile mwamangana, omu vamuhulishile numba nge vaka-kumukavangiza vatela kufweta mitelo numba chiku
Mwomwo ika katwatela kulingila sambanjingako nge vali nakutuyanjisa?
Talenu nawa chihande chakwamba ngwavo “Luyanjisa”
Vaka-Kulishitu kavazana muvihande vyalifuchi nachiyuloko
Mwomwo ika vaka-Kulishitu veji kutwalililangaho kwononoka Yehova Kalunga, numba nge vaka-kuyula navavashinjila valikange kuli Yehova?
Mijimbu yamuMbimbiliya yize nayimikafwa:
Nda 3:1, 4-18—Vakweze vatatu vavaHepeleu vakanyine kwononoka lushimbi vatungile muMbavilone mwomwo lwahokwele jishimbi jaKalunga
Nda 6:6-10—Kapolofweto wakashinakaji Ndanyele akanyine kwononoka kufulumende omu yakanyishile vatu kulomba kuli Yehova
Uno Yesu ahanyine ngachilihi vaka-kumukavangiza chakutalilaho chamwaza kutalisa kukulihenda kuvihande vyalifuchi nachiyulo?
Uno jishimbi jaKalunga jize jakanyisa kulemesa tuponya jinahase kukafwa ngachilihi muka-Kulishitu alihende kuvihande vyamapolitiki?
Jindongi muka jamuMbimbiliya jize jinahase kukafwa vaka-Kulishitu vaze vali nakushinyinyika vazane mujita?
Talenu nawa Ji 11:5
Mijimbu yamuMbimbiliya yize nayimikafwa:
Mat 26:50-52—Yesu ahanjikile hatoma ngwenyi vaka-kumukavangiza kaveshi kukazana mujitako
Yow 13:34, 35—Muka-Kulishitu nahase kulihulisa ngwenyi, ‘Kutala ngunahase kwononoka elu lushimbi lwaYesu kachi nge nanguya nakulwa jita nakuzunga navatu vamulifuchi lyeka, pamo vene nakujiha vandumbwami vakushipilitu tahi?’
Mwomwo ika vaka-Kulishitu veji kukanyinanga kwazana mumazavu akulikanga kufulumende?
Mwomwo ika vaka-Kulishitu kavatela kulizakaminako kachi nge vaka-fulumende navavavangijikila ngwavo vali nakuneha vikokojola?
Mijimbu yamuMbimbiliya yize nayimikafwa:
Vil 16:19-23—Kaposetolo Paulu naShilase vayanjile, mwomwo yamulimo wavo wakwambulula