Keke
Vilinga muka vikwavo vyazachila hamwe nakeke?
Mijimbu yamuMbimbiliya yize nayimikafwa:
Ji 51:1, 2—Omu Mwangana Ndavichi alembelelele Yehova amusolwele keke, apwile nakumulomba kumukonekela nakumutomesa kujishili jenyi
Luk 10:29-37—Yesu anangwile chishina chakusolwela vakwetu keke hakuvuluka kaSamaliya uze asolwelele kaYuleya likoji nakumutetela
Mwomwo ika vatu vosena vasakiwila kuvasolwela keke?
Talenu nawa 1My 8:46-50
Chakutalilaho muka atuhana Yehova kutalisa kukusolwela vakwetu keke?
Klo 34:6; Neh 9:17; Ji 103:8; 2Ko 1:3
Mijimbu yamuMbimbiliya yize nayimikafwa:
Yop 42:1, 2, 6-10; Yak 5:11—Yehova asolwelele Yopa keke nakumunangula chishina chamwakuyisolwela kuli vakwavo
Luk 15:11-32—Yesu asolwele omwo Yehova eji kusololanga keke hakuvuluka chisemi walunga uze mwatetela mwanenyi uze napihilila nakwalumuka
Mwomwo ika Yehova eji kutusolwelanga keke?
Talenu nawa Cht 3:4, 5
Mulimo muka wazata wana wandando yakusokola yaKulishitu kutalisa kukutukonekela jishili jetu?
Mwomwo ika twatela kulomba vatutetele, kaha mwomwo ika twatela kumona chuma kanechi kupwa chachilemu?
Mijimbu yamuMbimbiliya yize nayimikafwa:
Ji 51:1-4—Mwangana Ndavichi alihanyinenga milonga mapapa kakavulu hajishili jenyi, ngocho alembelelele Yehova mangana amutetele
Luk 18:9-14—Yesu azachishile chakutalilaho mangana asolole ngwenyi Yehova eji kusolwelanga keke vaze veji kwitavilanga tutenga twavo
Mwomwo ika navatu vaze vanalingi shili yayinene vatela kufwelela ngwavo vanahase kuvasolwela keke?
Mijimbu yamuMbimbiliya yize nayimikafwa:
2Mi 33:9-13, 15—Numba tuhu Manase apwile mwangana wakuhuka chikuma, oloze apihililile nakwalumuka nakulembelela vamusolwele keke, ngocho vamukonekelele hanyima yakusolola vilinga vyenyi ngwenyi nalumuka chikupu
Yon 3:4-10—Vaka-Nyineve vapwilenga navilinga vyaulyanyi nakumwanga manyinga, oloze omu vapihililile nakwalumuka kuvilinga vyavo vyavipi Kalunga avasolwelele keke
Mwomwo ika chapwila chachilemu kulitavila jishili jetu kuli Yehova nakupihilila nakwalumuka numba atwivwile keke?
Numba tuhu nge Yehova natusolwela keke, tunahase kumona ukalu mwomwo yashili twalingile
Mwomwo ika twatela kupwila namuchima wakeke?
Vyuma muka vinahase kusoloka kuusepa wetu naYehova kachi nge natuhona kusolwela vakwetu keke?
Talenu nawa Vis 21:13
Mijimbu yamuMbimbiliya yize nayimikafwa:
Mat 18:23-35—Yesu ahanjikile chakutalilaho chakusolola ngwenyi mutu uze mwahona kusolwela vakwavo keke kaveshi kukamwivwila keke kuli Yehovako
Luk 10:29-37—Chakutalilaho chize vatachikiza chikuma vatu chasolola nge Yehova naYesu kavevwila kuwaha vatu vaze kavasolwela vakwavo kekeko, oloze veji kwivwilanga kuwaha vaze veji kusolwelanga vakwavo keke ngana muze alingile kaSamaliya
Uno Yehova eji kulinganga vyuma muka kuvatu vaze vatwama namuchima wakeke?